П.АМГАЛАНБАЯР

Нийтийн дууны салбарт өөрийн гэсэн  өнгө төрх, хэв маягаар шинээр төрөн гарч ирсэн залуу дуучин Г.Даваадалай  “Өөдрөг байгаарай” анхны бие даасан тоглолтоороо үзэгчидтэйгээ уулзахаар болжээ. Тоглолт дөрөвдүгээр сарын 28-нд 19:00 цагаас “UB Palace” концертын их танхимд  болно.  Тус тоглолтонд  МУГЖ дуучин М.Бямбажав,  МУСТА жүжигчин  Б.Нямхүү,  "The Voice of Моngolia" шоуны оролцогч дуучин  Э.Дашням, Б.Анужин , ятгачин дуучин Ө.Бохьшарга нараас гадна олон уран бүтээлчид  оролцож үзэгчддээ гэнэтийн бэлэг барихаар төлөвлөжээ.  Залуу дуучин Г.Даваадалай 2016 онд СУИС-ийг  Хөгжимт театрын жүжигчин мэргэжлээр төгссөн.  Харин 2019 оноос нийтийн дууны салбарт орж, багш МУГЖ дуучин М.Бямбажав хамтран “Мартагдашгүй хайр”, “ Намирын гол”  дууг үзэгчдэдээ хүргэсэн билээ. Мөн тэрбээр дөрөвдүгээр сарын 16-нд “Өөдрөг байгаарай” цомгийн баяраа хийсэн юм.  Цомогт  12 дуу багтсан бөгөөд  үүнээс таван дууг үзэгчдэдээ хүргэжээ. Харин тоглолтон дээрээ  шинэ уран бүтээлээрээ үзэгчдэд бэлэг барих аж.  Тэрбээр “Анхны тоглолтоороо үзэгчидтэйгээ уулзахдаа гэж байгаадаа догдлол дүүрэн байна. Бас их сандарч, баярлаж байна”  гэдгээ илэрхийлсэн юм.

Эх сурвалж: www.polit.mn