Ч.ГАНТУЛГА

Монголын боксын холбооноос насанд хүрэгчдийн УАШТ талаар мэдээлэл өглөө. Тэмцээн өнөөдрөөс 27-ны хооронд Монгол бөхийн өргөөнд үргэлжлэх юм. Энэ удаад 40 байгууллагын  200 гаруй тамирчин 25 жинд улсын аваргын төлөө өрсөлдөх юм байна. Холбооны зүгээс мөн Парисын олимп хүртэл Монголын боксын шигшээ багийг ахлах Куба улсын дасгалжуулагчийг танилцууллаа. Хоёр орны Засгийн газрын тохиролцоогоор Монголд ирсэн Жилберто Верас өөрөө боксчин байсан бөгөөд энэ спортод 40 гаруй жил өөрийн ур ухаанаа зориулж байгаа юм байна. Түүний бэлтгэсэн тамирчид ДАШТ болон олимпод үргэлж амжилттай оролцдог тухай Монголын боксийн холбооны ерөнхий нарийн бичгийн дарга Ц.Батнасан онцолж байв. Тэрбээр “Бид Куба улсаас мэргэжлийн дасгалжуулагч урьсан. Энэ хүн долоо хоногийн турш УАШТ –нд ажиллаж, шигшээ багийн бүрдүүлэлт хийнэ. Шинэ дасгалжуулагчийн хувьд тамирчдын онцлогт тохирсон бие бялдарын бэлтгэлээс гадна техник талд түлхүү ажиллах болно” гэв.

Эх сурвалж www.polit.mn