Б.Туул 

    Харилцаа холбоо, мэдээллийн технологийн салбарын хамгийн том арга хэмжээ болох “ICT EXPO 2023” Үндэсний соёл амралтын хүрээлэнд өнгөрсөн амралтын өдрүүдэд хөл ихтэй болж өндөрлөлөө. Энэ жил тус арга хэмжээг “Мэдлэгт суурилсан хүртээмжтэй, инновацлаг, цахим эдийн засаг” буюу “Mindgolia” уриан дор хийсэн юм. Энэ удаагийн арга хэмжээг АНУ, Тайланд, БНСУ, Япон, Казакстан, Тажикстан, Энэтхэг зэрэг улсын 150 гаруй зочин төлөөлөгч, хөрөнгө оруулагч, 900 гаруй оролцогчдын хүрээнд зохион байгуулж байгаа ажээ.

Мэдээллийн технологийн экспог бүрэн утгаар нь мэдрүүлсэн  олон байгууллагын асраар зочлоход, технологийн экспо гэдэг утгаараа яг сүүлийн үеийн технологийг мэдрүүлж, туршиж үзүүлж байгаа нь иргэдэд илүү ойр, хүртээмжтэй, ойлгомжтой үр дүнтэй ажил болж байлаа.  Технологийн шийдлийг танилцуулсан албан байгууллагуудын асарт  угтагч робот, VR төхөөрөмж бүхий том дэлгэц, 5G өндөр хурдны интернэт,  виртуал орчин, дижитал шийдлийг танилцуулсан технологи суурьтай инновацийн бүтээгдэхүүнээ танилцуулсан нь хүрэлцэн ирсэн иргэд, хүүхэд залуусыг гайхшруулж байлаа.

Эх сурвалж: www.polit.mn