Т.САЙХАН

Төрийн ордны арын цэцэрлэгт хүрээлэнг  2013 онд нээх шийдвэрийг гаргаж, тухайн жилийнхээ зуны саруудад олон нийтэд нээлтэй байсан юм. Түүний дараагаар жагсаал болж, ордны арын цэцэрлэг дахин хаагдсан.

Тэгвэл УИХ-ын дарга Г.Занданшатар энэ Төрийн тусгай хамгаалалтын газрын удирдлагуудыг хүлээн авч уулзсан юм. Тэрбээр уг уулзалтаар ардчилсан нийгэмд төр иргэддээ нээлттэй байх нь зүй ёсны хэрэг гэдгийг онцлоод, Төрийн ордныг олон нийтэд нээлттэй болгох журмыг боловсруулж танилцуулахыг үүрэг чиглэл болгосон.

Энэ хүрээнд:

1. Төрийн ордонтой танилцах, Төрийн ордонд нэвтрэхэд иргэдийн хувцасны стандартыг аль болох хөнгөвчлөх, иргэдэд хүндрэл бэрхшээлгүй байхаар зохицуулалт хийх;
2. Төрийн ордны арын цэцэрлэгийг иргэдэд нээлттэй болгох;
3. Төрийн ордны урд шат буюу Эзэн Чингис хааны хөшөөний хэсэгт иргэд чөлөөтэй нэвтэрч, фото зураг авхуулах зэрэг асуудлуудыг зохицуулах нь зүйтэй гэж үзсэн байдаг. 

Эх сурвалж:www.polit.mn