Б.ДОЛЖИНЖАВ

Засгийн газрын хуралдаанаар хэлэлцсэн үнийн өсөлтийн асуудлаар Эдийн засаг, хөгжлийн сайд Ч.Хүрэлбаатар мэдээлэл өглөө.

Тэрбээр “Монгол Улсын хувьд эхний долоон сарын байдлаар инфляцын түвшин 15.7 хувьтай байсан. Харин наймдугаар сарын дундаж байдлаар аваад үзэхэд инфляцын түвшин 14.1 хувьтай болсон байна.Ингэж буурахад мах, хүнсний ногооны үнийн бууралт голлож нөлөөлсөн. Энэ бол улирлын шинж чанартай өөрчлөлтүүд.Харин цаад суурь шалтгаанууд дээр ямар эрсдэл байгааг Засгийн газрын түвшинд ярилаа.  Бээжинд 4-5 газарт хөл хорио тогтоосон. Энэ нь бидэнд тодорхой эрсдэл үүсгэж байгаа. БНХАУ-д COVID-19-тэй холбоотойгоор авч хэрэгжүүлж буй арга хэмжээ нь манай улсын тээвэр зуучлал болон бараа бүтээгдэхүүний үнийн өсөлтөд нөлөөлөх эрсдэл өндөр байна.Тус улсын авч хэрэгжүүлж байгаа арга хэмжээ хэр удаан үргэлжлэхийг хэлж мэдэхгүй” гэлээ.

Эх сурвалж:www.polit.mn