Б.ДОЛЖИНЖАВ

Цахим хөгжил, харилцаа холбооны шинэ сайд Н.Учрал цаашид хэрэгжүүлэх ажлынхаа талаар өнөөдөр мэдээлэл өглөө. 

Тэрбээр "Авлигын индексийг бууруулахад Цахим хөгжил, харилцаа холбооны яам гол үүрэг гүйцэтгэх ёстой. Нийтийн мэдээллийн хуульд зарим мэдээллүүд нээлттэй болгох талаар хуульчилсан байдаг. Энэ ажлыг эрчимжүүлнэ. Ашигт малтмалын лиценз, дархан цаазат газарт хэн ямар газар эзэмшиж байгаа, орон сууц хүлээн авах улсын комиссын шийдвэртэй танилцах эрх Нийтийн мэдээллийн тухай хуулиар нээлттэй болсон. Түгжрэл, төвлөрөл, төрийн албаны хүнд сурталтай холбогдуулан тоон гарын үсгийг хэрэглээнд нэвтрүүлэх ажлыг хурдасгах шаардлагатай. Одоогоор 266 мянган тоон гарын үсгийг иргэдэд тараасан байна. Энэ ажлыг эрчимжүүлнэ. Улсын хэмжээнд таван алслагдсан сум, боомтод шилэн кабель тавих ажил энэ онд дуусна" гэв. 

 Эх сурвалж:www.polit.mn