“Туслах малчдын нийгэм эдийн засгийн нөхцөл байдал, хүний эрхийн хэрэгжилт”-ийн талаар өнөөдөр мэдээллээ.

ХЭҮК-ын гишүүн, төслийн захирал Х.Мөнхзул илтгэл тавьж, туслах малчид Хөдөлмөрийн гэрээ байгуулан ажиллах шаардлагатайг онцлов.  Тэрбээр туслах малчдыг чадавхжуулах төслийг удирдан ажиллажээ.

Төслийн зохицуулагч С.Болд “Туслах малчдын амьдралын нөхцөл, хүний эрхийн хэрэгжилт, цалин, ажил-амралтын цагийг нарийвчлан гаргалаа. Туслах малчдын ажлын байрны тодорхойлолт гарган, үндэсний ажил мэргэжлийн жагсаалтад багтаах санал гаргав. Энэ дагуу ХНХЯ бидний саналыг шийдвэрлэсэн.    Туслах малчдын гурван хүүхэд тутмын хоёр нь ээж аавдаа тусалдаг, үнэгүй хөдөлмөр эрхэлдэг. Хөдөлмөрийн тухай хуульд туслах малчдын талаар анх удаа тусгасан ч тэд энэ талаар мэдэхгүй байна. Хөдөлмөрийн гэрээ байгуулах нь үндсэн болон туслах малчны аль алинд ашигтай. Учир нь үндсэн малчин хохирсон тохиолдлууд ч бий. Иргэд мэдлэг, мэдээлэл авах хүсэлгүй байгаа нь бидний хамгийн том бэрхшээл байв. Концерттой гэхээр сумын төвд маш их хүн цугладаг атлаа хувь хүний хөгжлийн сургалтад ирдэггүй. Мөн үндсэн малчид туслах малчнаа явуулдаггүй” гэлээ.