Б.ДАРЬСҮРЭН

Нийтийн тээврийн автобусны парк шинэчлэлийн ажлын явцын талаар Нийслэлийн Засаг даргын Хэвлэлийн төлөөлөгч Н.Сугар мэдээлэл өглөө.

Тэрбээр "Нийслэлийн нийтийн тээвэрт эхний ээлжинд 75 автобусыг шинэчилсэн. Нэг давхар 65, хоёр давхар 10 автобусыг үйлчилгээнд гаргаад байгаа. Ирэх сарын 1-нээс өмнө 500 гаруй автобусыг оруулж ирэх үүрэг даалгаврыг Хотын дарга холбогдох албан тушаалтнуудад өгч байсан.

Гэвч мөргөлдөөний болон цар тахлын нөхцөл байдлаас болж дэлхийн эдийн засаг хямарсантай холбоотойгоор хөрөнгө оруулалтад хугацаа алдсан асуудал бий. Гэхдээ хөрөнгө оруулалтын асуудлыг шийдсэн. XI-XII сарын хооронд эдгээр шинэ автобуснууд орж ирнэ гэсэн мэдээллийг ажил хариуцсан хүмүүс өгсөн" гэв.

Эх сурвалж: www.polit.mn