
Ч.БЯМБАХАЖИД
Эмэгтэйчүүдийн манлайлал бол жендэрийн эрх тэгш байдал, хүртээмжтэй өсөлтийн хөдөлгүүр билээ. Манай улсад эмэгтэйчүүдийн нийгмийн нөлөөлөл, манлайлал тийм ч дээгүүр түвшинд байдаггүй. Тэр тусмаа эмэгтэйчүүд удирдах албан тушаалд ажиллахын тулд асар их хичээл зүтгэл гарган, цаг хугацааг зориулан хүрдэгийг манлайлагч эмэгтэйчүүд хэлдэг. Тэгвэл Жендэрийн Үндэсний Хорооноос санаачлан гурав дахь жилдээ хэрэгжүүлж буй “Азийн эмэгтэйчүүдийн манлайллын хөтөлбөр”-ийн энэ удаагийн сургалтыг Азийн хөгжлийн банктай хамтран зохион байгууллаа. Энэ удаагийн сургалтад 21 аймгийн удирдах албан тушаалд ажиллаж буй 25 эмэгтэй хамрагдлаа.
“Уур амьсгалын өөрчлөлтөд хамгийн их өртөж буй, эмзэг бүлэг нь эмэгтэйчүүд, охид байна”
Уг сургалт нь Монгол Улсын эрүүл мэнд, боловсрол, эдийн засаг, улс төр зэрэг салбаруудад жендэрийн тэгш бус байдал ямар байгаа болон энэхүү байдал нь олон улсын болон бүс нутгийн нөхцөл байдалтай харьцуулахад хэр түвшинд байгаа тухай ойлголт өгч, жендэрийн эрх тэгш байдал, уур амьсгалын өөрчлөлтийн эсрэг бодлогын нөлөөлөл дэх эмэгтэй манлайлагчдийн хүчирхэгжүүлэх үндсэн зорилготой юм. Мөн Азийн эмэгтэйчүүдийн манлайллын хөтөлбөрт 125 эмэгтэй хамрагдсан бөгөөд тавдугаар ээлжийн сургалт өчигдөр ийнхүү эхэллээ.
Үргэлжлэлийг zuuniimedee.mn сайтаас цахим сонин захиалан уншаарай.
Эх сурвалж: “Зууны мэдээ” сонин
2025 ОНЫ ДӨРӨВДҮГЭЭР САРЫН 3. ПҮРЭВ ГАРАГ. № 61 (7558)