![](http://resource4.sodonsolution.org/polit/image/2024/07/18/vmcbsk40b7iqc8b6/Эрэн сурвалжлагдаж байсан БНСУ-ын иргэнийг Монголоос баривчилжээ.jpg)
Т.САЙХАН
Залилах гэмт хэрэг үйлдэж эрэн сурвалжлагдаж байсан Бүгд Найрамдах Солонгос Улсын иргэнийг баривчилж, шилжүүлсэн болохыг цагдаагийн байгууллагаас мэдээлэв. БНСУ-д үндэстэн дамнасан санхүүгийн залилах гэмт хэрэг үйлдэж Интерполын “Улаан булант” зар мэдээгээр олон улсын хэмжээнд эрэн сурвалжлагдаж байсан иргэн “К”-г Монгол Улсын нутаг дэвсгэрт орогнож байхад нь илрүүлэн энэ оны зургаадугаар сарын 21-ний өдөр баривчлан шилжүүлж өгөх зорилгоор цагдан хорьж байжээ.
“К” гэгчийг энэ сарын 9-ний өдөр тус улсын Хууль зүйн яам, Ерөнхий прокурорын газар, Үндэсний цагдаагийн ерөнхий газрын алба хаагчдаас бүрдсэн хуяглан хүргэх баг Монгол Улсад ирж, шилжүүлэн авах ажиллагааг гүйцэтгэсэн байна.
Эх сурвалж:www.polit.mn