Т.САЙХАН

МУИС-ийн профессор, Макс Планкийн нийгмийн Антропологийн хүрээлэнгийн зочин судлаач, доктор Лхамсүрэнгийн Мөнх-Эрдэнэ “Тайжийн Төр хийгээд Дайчин Улсын Мандал” номоо аав ээжийнхээ гэгээн дурсгалд зориулжээ. Тэрбээр "Зууны мэдээ" сонинд өгсөн ярилцлагадаа "Хэн нэгэнд, хэн нэгний дурсгалд номоо зориулах нь өрнөдийн академик соёлд тогтсон зүйл. Эрдэмтэд номоо эцэг эх, гэр бүл, багш нартаа болон тэдний дурсгалд зориулах нь түгээмэл. Хайр, хүндэтгэлээ илэрхийлж, мөнхөлж байгаа хэлбэр. Миний хувьд ном маань ээж аавынхаа гэгээн дурсгалд зориулсан гэрэлт хөшөө юм. Ертөнцийн өнцөг булан бүрт номыг нээсэн олон хэлийн улс сонирхож ээж аавын минь нэрийг уншвал тэднийг минь дурсаж байгаа хэрэг болох буйз аа" гэсэн юм.  Түүний бүтээлийн үндсэн нэр Тайжийн Төр бөгөөд номын хавтасаа Чин ван Ханддоржийн зургаар чимжээ. “Тайжийн Төр хийгээд Дайчин Улсын Мандал” ном 230 шахам ам.доллар буюу 700 гаруй мянган төгрөгөөр борлуулагдаж байна.

Эх сурвалж:www.polit.mn