Т.САЙХАН

Ариг банкны гүйцэтгэх захирлаар О.Хүрэлбаатар томилжээ.  Тэрбээр 2021 оны есдүгээр сараас “Ариг банк” ХХК-ийн Гүйцэтгэх захирлын үүрэг гүйцэтгэгчийн албан үүргийг түр орлон гүйцэтгэгч Дэд захирлын албан тушаалыг хашиж байсан юм.   О.Хүрэлбаатар нь банк санхүүгийн салбарт 30 гаруй жил тасралтгүй удирдах албан тушаалыг хашиж ирсэн туршлагатай банкир юм. Тэрбээр Үнэ, стандартын улсын хороонд мэргэжилтэн, Улсын банкны ерөнхий хороонд валютын арилжааны дилер, Худалдаа, хөгжлийн банкийг үүсгэн байгуулалцаж, улмаар тухайн банкандаа хэлтэс, газрын захирал, Дэд захирал, Орлогч захирал, Монгол шуудан банканд Гүйцэтгэх захирлын орлогч, Хадгаламж банканд Гүйцэтгэх захирал, ТУЗ-ийн орлогч дарга, “SGS” гадаадын хөрөнгө оруулалттай ХХК-д Засгийн газрын харилцаа хариуцсан Зөвлөх, “Ачит ихт” ХХК-д Санхүү эрхэлсэн захирал, Капитрон банканд Гүйцэтгэх захирал, банкны зөвлөх, ТУЗ-ийн гишүүнээр тус тус  ажиллаж байжээ.

Эх сурвалж:www.polit.mn