Б.ДАРЬСҮРЭН

АНУ-ын Виржиниагийн Хамтын Нөхөрлөлийн Их Сургуулийн хүндэт профессор, АНУ-ын Фулбрайт хөтөлбөрийн мэргэжилтэн Жефф Саут (Jeff South) болон “Сэтгүүл зүйн инновац хөгжлийн үүр” төвийн тэргүүн Б.Дуламхорлоо, тус төвийн хамтран үүсгэн байгуулагч Э.Нарантунгалаг нар Үндэсний Статистикийн Хорооны үйл ажиллагаатай танилцаж, санал солилцлоо.

 Уулзалтын үеэр ТӨШГ-ын дарга Ш.Ариунболд, ХАТХ-ийн дарга Л.Цэвээнжав нар статистик мэдээллийн нэгдсэн сан www.1212.mn-ийн хэрэглээ, хүртээмжийн талаар санал солилцож, “Төрийн их өгөгдөл” төслийн талаар нэгдсэн мэдээлэл өгсөн юм.

Энэ үеэр АНУ-ын Фулбрайт хөтөлбөрийн мэргэжилтэн Жефф Саут Монголд 13 редакцын 150 гаруй сэтгүүлчид дата сэтгүүл зүйн ур чадвар олгох сургалт хэрэгжүүлж байгаа талаараа дурдлаа. Тэрбээр “АНУ-д статистикийн систем нэг дор төвлөрөөгүй байдаг. Монголын статистикийн салбарын хувьд дата мэдээлэл нэг дор төвлөрсөн, ашиглахад энгийн, ойлгомжтой, иргэн бүрт хүртээмжтэй байгаа нь давуу тал” хэмээн онцоллоо.

Эх сурвалж: polit.mn