Т.САЙХАН

Туркийн “Туркиш Эйрлайнс” компани цар тахлын нөхцөл байдлаас шалтгаалан ирэх сард хийх нислэгүүдээ цуцалсан хэмээн мэдээлсэн юм. БНТУ-ын ЭСЯ энэ талаар тайлбар өгөв. Тайлбарт, “Туркиш эйрлайнс” компани халдварын тархалтын улмаас нислэгүүдээ цуцалсан гэдэг нь худал мэдээлэл юм. Энэ асуудлаар тус компани Монголын зохих байгууллагуудтай хэлэлцэж байна. Монголын эрх бүхий байгууллагын зөвшөөрсөн дээд хэмжээгээр нислэг үйлдэхэд бэлэн байгаа болно гэжээ.

Ташрамд  дурдахад Монгол Улсын иргэд Туркийн хилээр нэвтрэхийн тулд PCR шинжилгээ өгөх шаардлагагүй болсон. Тодруулбал вакцины бүрэн тундаа хамрагдаад 14 хоносон бол түүнийгээ англи хэл дээрх гэрчилгээгээр баталгаажуулах юм.

Үүнээс гадна Туркийн хилээр нэвтрэхээс 48 цагийн өмнө антиген шинжилгээ хийлгэсэн СӨРӨГ хариутай бол түүнийгээ англи хэлээр баталгаажуулаад тус улсад зорчихыг зөвшөөрч байгаа аж. Хоёр улсын иргэд харилцан 30 хоног визгүй зорчих эрхтэй юм.

Эх сурвалж:www.polit.mn