Т.САЙХАН

Эм, эмнэлгийн хэрэгслийн хяналт, зохицуулалтын газраас COVID-19 цар тахлын эсрэг эмчилгээнд хэрэглэж буй эмийн үнийг худалдаалах хязгаарыг тогтоожээ. Тодруулбал, "Арбидол" (ОХУ-д үйлдвэрлэсэн) эмийн жижиглэнгийн үнийн дээд хязгаарыг 36000 төгрөг, бөөний үнийг  27720 мянган төгрөгөөр борлуулах юм. Мөн БНХАУ-аас импортлож буй "Арбидол" эмийн жижиглэнгийн үнийг 15000 төгрөг, бөөний үнийг 19500 төгрөг байхаар тус тус зохицуулсан талаар өнөөдөр /06.18/ мэдээллээ. Мөн тус газраас вирусийн эсрэг эмчилгээнд хэрэглэж буй гурван төрлийн эмийг үйлдвэрлэгчээс гарч байгаа үнэ, лиценз авахдаа бичигдсэн үнэ зэрэг дээр судалгаа хийснээр үнийн хязгаарлалт тогтоожээ. Тодруулбал, эмийн сангуудаар:

• Украйн улсад үйлдвэрлэсэн "Арбивир" эмийн жижиглэнгийн үнэ  21500 төгрөг, бөөний үнэ 2795 төгрөг
• БНХАУ-аас импортлодог "Арбидол" эмийн жижиглэнгийн үнэ 15000 төгрөг, бөөний үнэ 19500 төгрөг
• ОХУ-д үйлдвэрлэсэн "Арбидол" эмийн жижиглэнгийн үнэ 36000 төгрөг, бөөний үнэ 27720 мянган төгрөгөөр тус тус худалдаалахаар болж байна.

Эх сурвалж:www.polit.mn