Ам.долларын ханш өнөөдөр 10.28 цагийн байдлаар Монголбанкны ханшаар 1768.81 төгрөг байлаа. Энэ бол өнгөрсөн оны долдугаар сараас хойш өссөөр байгаа ханш буураагүй үзүүлэлт юм. Самурай бонд босгож, хөрөнгө оруулалтууд татаж байгаа ч Монгол дахь валютын ханш чангарсан хэвээр байна. Үйлдвэрлэгч биш импортлогч улс болохоор валютын ханшийн өсөлт бизнесмэн, компаниудад хамгийн хүнд дарамт учруулж байна. Улмаар эхнээсээ авахуулаад ажилтнуудаа цомхотгоод байна. Нэрээ хэлэхийг хүсээгүй нэгэн томоохон компанийн захирлын ярьж буйгаар ам.долларын ханшийн өсөлтөөс болж хөрөнгө оруулалтууд нь гацаж, төслүүдээ хойш тавихаас аргагүй болжээ. Түүгээр ч зогсохгүй өнөөдрийн байдлаар 200 гаруй ажилтнаа халаад буйгаа ч хэлж байна. Ханш цаашид чангарсан хэвээр байвал ирэх сард гэхэд дахиад 1000 гаруй хүн халах шаардлага тулгарч буйг тэрээр хуваалцсан юм.