Б.Хүрэлбаатар: Өвөлжилт хүндэрсэн үед өвс, тэжээлийн тусламж үзүүлж, ирсэнд баярлаж байна

2024-02-20
Нийтэлсэн: Админ
 3 мин унших

П.АМГАЛАН

Монгол Улсын Засгийн газраас хаваржилт хүндэрч, зудын байдалтай болсонтой холбогдуулж өнгөрсөн долоо хоногт гамшгаас хамгаалах өндөржүүлсэн бэлэн байдлын зэрэгт шилжүүлсэн. Хаваржилт хүндэрсэн аймаг, сумдад тусламж үзүүлэх Шуурхай бүлгүүдийг Засгийн газрын шийдвэрээр байгуулсан, сайд нар ахлан ажиллаж байна. Батлан хамгаалахын сайд Г.Сайханбаяраар ахлуулсан шуурхай бүлэг Баянхонгор аймгийн өвөлжилт хүндэрсэн сумдад ажиллаж байна. Өнөөдөр шуурхай бүлэг цаг агаарын улмаас унаа явах боломжгүй болсон малчны хотод очиж дэмжлэг туслалцаа үзүүллээ. Бидний эхний очсон айл Баянбулаг сумын Сангийн далай нэгдүгээр багийн малчин Б.Хүрэлбаатарынх гэдэг айл байв. Сумын төвөөс тус айл шуурхай бүлгийнхэн явахад замд машин цасанд сууж, хүндрэлтэй нөхцөл байдал үүссэн байв. Биднийг малчны хотод очиход гэрийн эзэн Хүрэлбаатар эхнэрийнхээ хамт угтлаа. Гэрийн гадна бог малаа тэжээж, шинэ төлөө төлөө гэртээ оруулсан байв. Б.Хүрэлбаатарынх 700 гаруй малтай бөгөөд аймгийн сайн малчин. Нэг хүүтэйгээ малаа малладаг ч цаг хүндэрсэн учраас хотод ажилладаг хүүгээ туслуулахаар авчирсан байна. Тус өрхөд 100 боодол өвс, 10 шуудай тэжээл өгөв. Аймгийн төвөөс өвс тэжээлийг унаа гарган авчирч өгөхөөр болов.

"Арваад сая төгрөгөөр өвс, тэжээл авсан"

Малчин Б.Хүрэлбаатар "Цаг хүндрэлтэй нөхцөл байдалд УОК-ын бие бүрэлдэхүүн ирсэнд баяртай байна. Мал төллөж эхэлж байгаа учраас тамирдаад хүндхэн л байлаа.

 

Энэ үед өвс тэжээлтэй болоод сэтгэл өөдрөг боллоо. Манай энэ хавиар цас их орсон. Бод мал их үхэж байна. Хангай газар учраас шуураад нимгэрсэн болохоос биш мөс ихтэй хатуурсан. Үүнээс болж малын хөл халцарч байна. Сүүлийн гурван өдөр мал хотноос гараагүй. Энэ хугацаанд зургаан сая төгрөгийн өвс, тэжээл авч дууссан. Сая дөрвөн сая төгрөгийн малчны зээл авч дахиж өвс тэжээл худалдаж аваад дуусаж байна. Ахиад өвс тэжээл худалдау авъя гэхээр мөнгөгүй болсон нөхцөл байдалтай байна. Манайх 700 гаруй бог, 30 гаруй бодтой. Сая гурван өдөр шуурахад 20 боодол өвс нэг өдөр л малдаа тавьж өгөөд дууссан" гэлээ.

"Мал төллөөд эх мал сүү муутай байна"

Эхнэр Н.Гончигсүрэн " Өглөө цайгаачаначихаад л бид хэд малынхаа араас гараад, өвс тэжээлийг нь өгсөөр яваад л оройны зургаан цагаас л гэртээ ирдэг дээ. Мал төллөж эхэлж байгаа учраас ажил бүр л ихсэж байна. Мөн мал төллөөд өвс тэжээлийн эрэлт бүр л ихсэж байна. Сумын төв орж, өвс тэжээлээс эхлээд ойр зуурын юм авахаар ярьж байсан. Цас ихтэй зам унаа явах боломжгүй болсон учраас явж чадахгүй байлаа. Энэ жил бог, бод нийлсэн 350-иад мал төллөнө. Одоогоор 10 гаруй л мал төллөсөн. Эх мал сүү муутай л байна. Өнгөрсөн жил хураасан сүүгээр угжихаас гадна гурил усанд самарч, элсэн чихэртэй хольж төлдөө өгч байна даа. Одоогоор 100-аад мал тэжээж байна. Мал хувааж авчирч тэжээдэг юм. Өнөөдөр бэлчээрт гаргаад үзье гээд явуулсан чинь цуваад л хүрээд ирлээ. Бид хоёр нэг хүүтэйгээ хамт малаа малладаг. Өвөлжилт хүндэрсэн учраас хотод ажилладаг нэг хүүгээ авчирсан дөрвүүлээ л байна даа" гэсэн.

Мөн шуурхай бүлгийн эрүүл мэндийн баг тус өрх айлын гишүүдэд эрүүл мэндийн тусламж үйлчилгээ үзүүллээ.

 

Эх сурвалж: www.polit.mn

Үхсэн баас сонгуульдах гээд ядсан ман ан
Н.Номтойбаяр: Х.Баттулгатай мөнгө угаасан байж болзошгүй

Н.Номтойбаяр: Х.Баттулгатай мөнгө угаасан байж болзошгүй

6 цаг 24 мин
Б.Жавхлан: Хар буруу юм наах гэж байгаа бол амжихгүй шүү, Б.Энхбаяр аа

Б.Жавхлан: Хар буруу юм наах гэж байгаа бол амжихгүй шүү, Б.Энхбаяр аа

6 цаг 36 мин
Ө.Шижир: ХҮН нам сонгуулийн санхүүжилтийнхээ 98 хувийг нэг компаниас авсан нь хуульчилагдсан авлига шүү

Ө.Шижир: ХҮН нам сонгуулийн санхүүжилтийнхээ 98 хувийг нэг компаниас авсан нь хуульчилагдсан авлига шүү

6 цаг 53 мин
Т.Сайнжаргал МАН-ын Ерөнхий нарийн бичгийн даргын зөвлөх болжээ

Т.Сайнжаргал МАН-ын Ерөнхий нарийн бичгийн даргын зөвлөх болжээ

9 цаг 8 мин
Б.Бэйсен: Хамгийн аюултай ковидын төсвийг шалгаж үзсэн үү

Б.Бэйсен: Хамгийн аюултай ковидын төсвийг шалгаж үзсэн үү

9 цаг 18 мин
С.Эрдэнэболд: Утааг бууруулах төсвөөс одоогийн байдлаар 190 гаруй тэрбум төгрөгийн зөрчил илрээд байна

С.Эрдэнэболд: Утааг бууруулах төсвөөс одоогийн байдлаар 190 гаруй тэрбум төгрөгийн зөрчил илрээд байна

9 цаг 56 мин
Б.Пүрэвдорж: "Цагаан хад-Ганцмод"-ны боомтын хооронд 29 км зайд нүүрсийг 129 сая төгрөгөөр тээвэрлэж хулгай хийсэн

Б.Пүрэвдорж: "Цагаан хад-Ганцмод"-ны боомтын хооронд 29 км зайд нүүрсийг 129 сая төгрөгөөр тээвэрлэж хулгай хийсэн

10 цаг 18 мин
П.Сайнзориг: Хүүхдээ хүмүүжүүлэхдээ хүний дор битгий ороорой гэж биш хүнд төвөггүй амьдраарай гэж захиж сургадаг баймаар байна

П.Сайнзориг: Үр хүүхдээ хүмүүжүүлэхдээ хүний дор битгий ороорой гэж биш хүнд битгий төвөг болоорой гэж захиж сургадаг баймаар байна

10 цаг 56 мин
Н.Учрал: Стратегийн 39 орд дотор Төгрөг нуурын орд хамаардаг

Засгийн газрын хуралдаанаас гаргасан шийдвэрийг ЗГХЭГ-ын дарга Н. Учрал танилцууллаа. Түүний байр суурийг хүргэе.

15 цаг 58 мин