Алексей Навальный шоронд амиа алдав

2024-02-19
Нийтэлсэн: Админ
 2 мин унших

Б.НАНДИН

 

ОХУ-ын сөрөг хүчний удирдагч асан Алексей Навальный шоронд хоригдож байхдаа амиа алдсан талаар ТАСС агентлаг бямба гарагт мэдээллээ. Тэрбээр шоронгийн хашаанд салхилж яваад гэнэт ухаан алдсан бөгөөд эмч нар ирсэн ч нэгэнт оройтсон байсан хэмээн шоронгийн удирдлагууд мэдэгджээ. ОХУ-ын ерөнхийлөгч Путины гол шүүмжлэгч, сөрөг хүчний удирдагч тэрбээр 2030 он хүртэл хоригдох ялтай байсан ч 47 насандаа ийн хорвоог орхижээ.

ОХУ-ын нийслэлд түүний үхэлд цочирдож, эмгэнэн гашуудсан хүмүүс цугласаар байна.

АНУ болон барууны зарим удирдагчид харамсал илэрхийлэхийн зэрэгцээ түүний үхэлд ерөнхийлөгч Путин хариуцлага хүлээх ёстой хэмээн үзэж байгаагаа илэрхийлжээ.

Навальныйн эхнэр Юлия нөхрийнхөө амиа алдсанд бүрэн итгэлтэй биш байгаагаа илэрхийлжээ. Тэрбээр "Путин болон түүний засгийн газар худал хэлж болох учир би энэ мэдээнд итгэхгүй байна. Гэхдээ үнэхээр нөхөр минь амиа алдсан бол Путин, түүний бүх тойрон хүрээлэгчид нь хийсэн хэргийнхээ хариуцлагыг хүлээх болно” хэмээн ярьсныг Ройтерс агентлаг онцолжээ. Харин ОХУ-ын ерөнхийлөгч В.Путин Наваьлныйг амиа алдсан талаар олон нийтэд хандаж ямар нэг мэдээлэл хийгээгүй байна.

 

Путиныг эсэргүүцэгч Навальный гэж хэн байв?

 

1976 оны зургадугаар сарын 4-нд төрсөн түүний аав украйн гаралтай хүн байжээ. Тиймээс ч тэрээр Беларуссын хилийн ойрхон оршдог украйны нэгэн тосгонд эмээтэйгээ өссөн байна. Хуульч мэргэжилтэй, тэрбээр ОХУ-ын эрх баригчдын авлига албан тушаалын талаар тууштай эсэргүүцэж олонд танигдсан. Тиймээс ч олон оросуудын дэмжлэгийг хүлээж Путиныг эсэргүүцэгч гол хүн, сөрөг хүчний удирдагч болон тодорчээ. Мөн Москва хотын даргын сонгуульд өрсөлдаж байв.

Навальныйг шоронд хорих асуудал 2011 оноос эхтэй. 2011 оны арванхоёрдугаар сард болсон парламентын сонгуулийн үр дүнг эсэргүүцсэн жагсаал болж, 600 гаруй жагсагчдыг баривчилсны нэг нь Навальный байжээ. Энэхүү баривчилгааны дараа суллагдсан ч 2009 онд Киров мужийн захирагч Никита Белыхийн зөвлөхөөр ажиллаж байхдаа төрийн өмчит компаниас мод хулгайлахыг завдсан хэмээн буруутгаж 2012 онд шүүхээс яллаж байжээ. Харин үүний дараа нотлох баримт хангалтгүй гэж үзэн сулласан юм. 2013 оны зургадугаар сард түүнийг дээрх хэрэгтэй холбогдуулан дахин шүүхээр яллаж, таван жилийн хорих ял оноож байсан ч Европын холбооны Хүний эрхийн комисст давж заалдан суллагдаж байжээ. Гэвч Москва хотоос гарахгүй байх шийтгэл оногдуулав. Оросын дээд шүүх 2013 оны хэргийг дахин сэргээж, түүнийг ялласан таван жилийг хэвээр үлдээжээ. Үүний дараа Навальныйг гэрээс нь баривчилж байсан нь дэлхий нийтийн анхааралд өртөж, Европын Хүний эрхийн хороонд дахин завж заалдаж байсан юм. Эрх баригчидтай зөрчилдсөний улмаас олон жилийн хорих ял авсан, улс төрийн хэлмэгдэлтэд өртсөөр байна хэмээн тэрээр удаа дараа мэдэгдсээр байсан юм. Харин эрх баригчдын хувьд нотлох баримтад үндэслэсэн, гадаадын хөрөнгө оруулалттай холбоотой асуудал, мөнгө угаасан, хэт даврагч байгууллага байгуулсан зэрэг олон гэмт хэрэгт буруутгаж байжээ. Хамгийн сүүлд хэт даврагч байгууллагыг санхүүжүүлсэн хэргээр 19 жилийн хорих ялаар шийтгэж, Оросын хамгийн чанга дэглэмтэй шоронд шилжүүлсэн байна.

Эх сурвалж: “Зууны мэдээ” сонин

2024 ОНЫ ХОЁРДУГААР САРЫН 19. ДАВАА ГАРАГ. № 32 (7276)

 

Богдхан ууланд гарсан ойн түймэрт 56 га талбай өртжээ

Богдхан ууланд гарсан ойн түймэрт 56 га талбай өртжээ

15 цаг 1 мин
Гадаад харилцааны сайд Б.Батцэцэг Испани улсад айлчилна

Гадаад харилцааны сайд Б.Батцэцэг Испани улсад айлчилна

16 цаг 18 мин
Энхийн хэлэлцээ эерэг зүгт эргэсэн үү

Ийм дүгнэлтийг шууд бусаар ч болов хийж болох эерэг уур амьсгалтай цөөнгүй

18 цаг 55 мин
“35 жилийн түүхэн харилцаанд хоёр орны хууль тогтоох байгууллага онцгой үүрэг гүйцэтгэж ирсэн”

УИХ-ын дарга Д.Амарбаясгалангийн урилгаар БНСУ-ын Үндэсний Ассамблейн дарга Ү Вон Шиг манай улсад айлчи

18 цаг 55 мин
“Эрдэнэс Монгол” нэгдлийн нүүрс баяжуулах үйлдвэр хэний нүүрсийг “угаадаг” вэ?!

Баялгийн сангийн орлого төвлөрүүлэгч “Эрдэнэс Монгол” нэгдэл нь төрийн мэдлийн баялгийн бүх хувь хувьца

18 цаг 55 мин
АН-ын бүлгээр ярьсан ёс зүй ба АН-ын бүлэгт “оногдсон” эрх зүй

УИХ дахь АН-ын бүлгийн гишүүд өчигдрийн ээлжит хурлаараа Ерөнхий сайд Л.Оюун-Эрдэнийн ёс зүйн ас

18 цаг 55 мин
АН-ын бүлэг Ерөнхий сайд Л.Оюун-Эрдэнийг уучлал гуйтал "ажил хаялт" зарлана

АН-ын бүлэг Ерөнхий сайд Л.Оюун-Эрдэнийг уучлал гуйтал "ажил хаялт" зарлана

Уржигдар 16 цаг 32 мин
УИХ-ын дарга асан М.Энхболдын хөрөг зургийг Төрийн ордонд байршуулжээ

УИХ-ын дарга асан М.Энхболдын хөрөг зургийг Төрийн ордонд байрлууллаа

Уржигдар 16 цаг 27 мин
Сэлбэ дэд төвийн тендерт Монгол компаниуд санхүүгийн шалгуурыг давсангүй

“Үндэсний мэдээллийн төв”-д Сэлбэ дэд төвийн орон сууцны иж бүрэн цогцолбор хороолол барих тендер сонгон шал

Уржигдар 15 цаг 18 мин
Японы алдарт төгөлдөр хуурч Ажима Кентаро Монголд тоглолтоо хийнэ

“Норовбанзад” сангаас 2024 оны аравдугаар сард Улаанбаатар хотноо “Төгөлдөр хуурын уралдаан 2024”-ыг амжилттай зохион байгуу

Уржигдар 13 цаг 43 мин