П.Амгалан

Замын-Үүд -Эрээний автозамын боомтын ачаа тээврийн хэсгийг арванхоёрдугаар сарын 16-наас эхлэн 24 цагийн горимд шилжүүлсэн. Ингэснээр Монгол Улс анх удаа автозамын боомтын ачаа тээврийн хэсгийн урсгалыг 24 цагаар ажиллуулах туршилтыг 14 хоногийн хугацаатай эхлүүлсэн юм. Ийнхүү уг туршилт арванхоёрдугаар сарын 16-30-ныг хүртэл амжилттай хэрэгжиж дуусчээ. Энэ хугацаанд Замын-Үүд авто замын боомтоор нийт 1348 автомашин нэвтэрсэн байна.

Энэ талаар  Монгол Улсын сайд, Боомтын Сэргэлтийн хорооны сайд Б.Тулга "БНХАУ-ын талтай хэлэлцээр хийсний үр дүнд Монгол Улсад анх удаа Замын -Үүд автозамын боомтын ачаа тээврийн хэсгийн урсгалыг арванхоёрдугаар сарын 16-31-нийг хүртэл 24 цагийн горимд шилжүүлж байна. Туршилтын хугацаа амжилттай үргэлжилбэл ачаа тээврийн хэсэг цаашид 24 цагаар үйл ажиллагаагаа явуулах юм. Түүнчлэн Хятадын 315 боомтоос тасралтгүй үйл ажиллагаатай хоёр дахь боомт нь Эрээн болно" хэмээн онцолж байв.

Эх сурвалж:www.polit.mn