Т.САЙХАН

"Зууны мэдээ" сонин "Трэнд зочин" буландаа Соёлын дэд сайд М.Батбаярыг урьж, ярилцсан билээ.   Тэрбээр "Чингис хаан, хаад язгуурын музей"-н оройн купол байгууламжийг дэлхийд нэлээд том тооцогдоно гэдгийг онцлов.  Соёлын дэд сайд М.Батбаяр "Музейн нэг онцлох шийдэл нь орой дээрээ 28 метрийн диаметртай купол танхим  байрлуулсан. Энэ нь Монгол Улсад анх удаагаа хийгдэж байгаа томоохон хэмжээний баганагүй орон зай юм.  Дэлхийн улс орнуудтай харьцуулахад   Энэтхэгийн Таж махалын орой 22-23 метрийн диаметр хэмжээтэй.  ХБНГУ-ын Засгийн газрын ордны дээд талд 40 метрийн диаметртэй шилэн купол бас бий. Тэгэхээр бусад ижил төстэй байгууламжуудтай харьцуулахад ч бид хэмжээний хувьд томдоо орох ийм оройн хэсэг хийж өгсөн. Энгийн хүн харахад ялимгүй том ч юм шиг харагдаж магадгүй. Гэхдээ барилгынхаа харьцаа,  донжинд тохирсон  харьцаа болж чадсан. Дүгнэж хэлбэл Чингис хаан музейн барилга бол монгол архитектор, инженерүүд, Монголын барилгачдын оюун ухаан, зүтгэл шингэсэн бүтээл юм" гэлээ.

Эх сурвалж:www.polit.mn