Б.ОД

Манай улсад гадаад улсын хэчнээн тээврийн хэрэгсэл бүртгэлтэйгээр замын хөдөлгөөнд оролцож байгаа талаарх мэдээллийг албаны эх сурвалжаас тодрууллаа.

Хил хамгаалах ерөнхий газрын өгсөн мэдээллээр, есдүгээр сарын 23-наас аравдугаар сарын 4-ний өдрийн хооронд ОХУ-тай хиллэдэг боомтуудаар буюу Ханх, Боршоо, Цагааннуур, Алтанбулаг зэрэг боомтуудаар ОХУ-ын дугаартай 4896 тээврийн хэрэгсэл орж ирсэн бол 4646 тээврийн хэрэгсэл эргэн гарчээ. Энэ нь ачааны болон суудлын зэрэг бүх тээврийн хэрэгслийн тоо гэдгийг онцлов.

Харин яг манай улсад ОХУ-ын дугаартай хэчнээн тээврийн хэрэгсэл замын хөдөлгөөнд оролцож байгаа талаарх тоон мэдээлэл төрийн байгууллагуудад байхгүй байна.

Зам тээвэр, хөгжлийн яам "Хилээр орж ирсэн ОХУ-ын дугаартай суудлын автомашин нэг сарын хугацаанд манай улсад зорчих эрхтэй байдаг. Харин ачаа тээврийн автомашин Зам, тээврийн хөгжлийн төвөөс зөвшөөрөл авдаг бөгөөд тоон мэдээлэл өгөх боломжгүй" гэлээ.

Дашрамд дурдахад, гадаад улсын тээврийн хэрэгсэл зөрчил гаргасан тохиолдолд Монгол Улсад мөрдөгдөж буй дүрэм, журам хуулийн дагуу арга хэмжээ авдаг болохыг Тээврийн цагдаагийн албанаас өнөөдөр мэдээлсэн юм.

Эх сурвалж:www.polit.mn