Б.ОД

УИХ-аар хэлэлцэх 2023 оны "Улсын төсөв"-ийн талаар Монголын үйлдвэрчний эвлэлийн холбоо(МҮЭХ)-ноос байр сууриа илэрхийллээ.

Худалдан авах чадварыг хадгалахын тулд цалингийн хэмжээг 50-аас доошгүй хувиар нэмэгдүүлэх шаардлагатай хэмээн тус холбооны зүгээс үзэж буйг  МҮЭХ-ны дэд ерөнхийлөгч С.Эрдэнэбат хэллээ. 

Тэрбээр "Монгол Улсын төсөв хэр хүртээмжтэй вэ гэдгийг хүн болгон харж байгаа. МҮЭХ-ноос төсвийн анхны хүрээний мэдэгдэл өгөх явцад саналаа хүргүүлж байсан. Ингэхдээ цалинг нэмэгдүүлэх нэн шаардлагатайг хэлсэн удаатай. Өнгөрсөн хоёр жилийн хугацаанд бодит цалин хөлсний худалдан авах чадвар 30 хувиар унасан.Инфляцын араас хөөгөөд цалин нэмсэн байдлаар явбал төрөөс хүлээж буй бодит хүлээлт талаар болно. УИХ-аар 2023 оны улсын төсвийн төслийг УИХ-аар батлахдаа төсвийн хөрөнгө оруулалтыг нэмэгдүүлэх, хөдөлмөр эрхлэлтийг нэмэгдүүлэх зэргээр иргэд хөдөлмөрчдийн амьжиргаанд учирч буй хүндрэлийг богино хугацаанд арилгах тодорхой арга хэмжээг тусгаж хэрэгжүүлэх шаардлагатай" гэв.

Эх сурвалж:www.polit.mn