Б.Дамдин-Очир

Ерөнхий сайдын ахлах зөвлөх Л.Гансүхийг “Нүүрс” хөтөлбөрөөс мөнгө цохисон. Түүнд АТГ-аас эрүүгийн хэрэг үүсгэн шалгаж байна гэх мэдээллийг хэвлэлүүд хийгээд АТГ-аас өгч байсан. Тэгвэл АТГ-ын мөрдөн байцаагчид Л.Гансүхийг хоёр хоногийн өмнө баривчилж, Төв аймаг дахь Цагдах хорих төвд саатуулсан байна.

Мөн АТГ-аас Л.Гансүхийн эргэлт уулзалтыг хориглоод байжээ. Өмгөөлөгч эмэгтэй нь сайтар зарга хийсний дүнд өчигдрөөс уулзъя гэсэн хүмүүст нь зөвшөөрөл олгож эхэлсэн байна.   

Түүнчлэн өчигдөр үдийн өмнө Л.Гансүх дээр тун сонирхолтой “эргэлт” очсон байна. Ерөнхий сайд Н.Алтанхуяг ахлах зөвлөхөө өөрийн биеэр эргэж очсон нь тэр ажээ. Засгийн газрын энэ удаагийн хуралдааныг Булган аймгийн Хутаг-Өндөр суманд хийхээр шийдсэн. Ерөнхий сайд хуралдаанаа удирдахаар Булганыг зорих замдаа ийн хазайж ахлах зөвлөхдөө анхаарал тавьсан нь энэ бололтой. Дашрамд дурдахад Ерөнхий сайд Н.Алтанхуяг ахлах зөвлөх Л.Гансүхтэйгээ уулзахдаа АТГ-ын мөрдөн байцаагчаас зөвшөөрөл авсан болов уугэж сонирхох хүмүүс байна.