Б.ДАРЬСҮРЭН

УУХҮЯ-наас шатахуунтай холбоотой цаг үеийн асуудлаар мэдээлэл өглөө. 

АИ-95, дизель түлшний үнэ тус бүр 300 төгрөгөөр нэмэгдээд буй. Энэ талаар УУХҮ-ийн дэд сайд О.Батнайрамдал “Монгол Улсын Засгийн газраас ОХУ-ын “Роснефть” компанитай сүүлийн дөрвөн сарын турш хэлэлцээр хийж байна. Үүний үр дүнд өнгөрсөн гурван сарын хугацаанд 120 мянган тонн АИ-92 шатахууныг 100 сая ам.долларын урьдчилгаа төлбөртэйгөөр буюу зах зээлийн үнээс 25-30 хувийн хямдралтай авсан. 

Тооцоолол хийж үзэхэд, бид 36 сая ам.доллар буюу 110 тэрбум төгрөгийн бодит хэмнэлт хийж чадсан. Иргэдээс шууд гардаг АИ-92 өргөн хэрэглээний шатахууны төлбөрийн талаар хэлэлцээр хийж дууссан. Үүний үр дүнд АИ-92 шатахууныг энэ он дуустал одоогийн 2390 гэсэн дүнгээр барих боломжтой болсон. Сүүлийн 30 жилд хийгдэж байгаагүй том гэрээг хийж чадсаны үр дүнд ийм бололцоо бүрдлээ гэж үзэж байна. Дизель түлшний хувьд мөн энэ оныг дуустал сар бүрийн гэрээний дагуу үнийн дүнгээс таван хувийн хөнгөлөлттэй авахаар болсон" гэлээ.

Эх сурвалж: www.polit.mn