Баруун Африкийн гурван улсад үхлийн аюулт эбола вирусын халдвар эрчимтэй тархаж, 476 хүн үрэгдэж, 759 хүн өвчлөөд байна. Зургадугаар сарын 23-наас хойш арав хоногийн дотор 68 хүн эбола вирусын халдвараар нас барж, өвчлөгсдийн тоо 635-759 болж огцом нэмэгджээ. Эбола вирусын халдвар Гвиней, Сьерра-Леон, Либери улсуудад тархаад байгаа юм. Вирусын халдвар өнгөрсөн хоёрдугаар сард Гвинейн өмнөд хэсгийн Гуекедоу нутагт анх илэрснээс хойш хөрш хоёр оронд тархаад байна. Либери, Сьерра-Леон улсын Засгийн газрын зүгээс ард иргэддээ хандан эбола вирусын халдвар авсан ч эмнэлэгт очихгүй, гэр орон, сүмд бүгсэн хүмүүст хуулийн хариуцлага хүлээлгэх болно гэдгийг анхааруулжээ.

Баруун Африкийн 11 орны Эрүүл мэндийн сайд нар өчигдөр Гана улсад цуглаж, эбола вирусын халдвараас урьдчилан сэргийлэх, тархалтыг зогсоох зэрэг арга хэмжээний талаар хоёр өдрийн уулзалт зохион байгуулж байна. Биеийн шингэнээр дамжин халдварладаг эбола вирусын эсрэг эм, вакцин нээн илрүүлж чадаагүй байгаа юм.

Эх сурвалж: "Зууны мэдээ" сонин