Ч.ЗОТОЛ

Хан-Уул дүүргийн Засаг даргын Тамгын газраас  тус дүүргийн  ХХ  хорооны нутаг дэвсгэрт  байрлалтай  “Мишээл”  байгаль орчин, танин мэдэхүйн хүрээлэнд “мөсөн хотхон” байгуулж нийслэлчүүддээ бэлэг барихаар өөрийн дүүрэгт   байрладаг  аж ахуйн нэгжүүдийг  уриалсан нь бодит ажил болж хэрэгжжээ. “Мөсөн хотхон” бүхий баримлуудыг энэ  сарын 25-ны өдөр нээх юм.

Дэлхий нийтийг хамарсан цар тахлын хүнд  үед хотын орчин,  байгаль цаг уурын онцлогт тохируулан дархлаагаа дэмжих цэвэр агаараар амьсгалах, иргэдийн амралт  чөлөөт цагийг  зөв боловсон өнгөрүүлэхэд зориулан “Мишээл”  байгаль орчин, танин мэдэхүйн хүрээлэнг байгуулсан бол “Мөсөн хотхон”-ыг  ч гэсэн ийм зориулалтаар байгуулжээ.

Нээлтийн үеэр “Мөнгөн өвөл”  хөтөлбөрийн хүрээнд  Олон улсын “Найрамдал” цогцолбороос “Сантагийн бүжиг, “Том бөмбөг”, “Удирдлагатай бөмбөг”, “Шурик”, “Код”, “Хөгжөөнт тоглоом” зэрэг тоглолт, үзүүлбэр  зохион байгуулах бөгөөд  гэр бүл, найз нөхөд, анги хамт олноороо тоглох боломжтой. Энэ хөтөлбөр нь  нээлтийн өдөр буюу энэ сарын 25-ны 12.00, 14.00 цагаас  хоёр  удаа  үнэ төлбөргүйгээр зохион байгуулагдах юм байна.

Эх сурвалж: www.polit.mn