Б.ДАМДИН-ОЧИР

УИХ-ын дарга Г.Занданшатар хагас жилийн өмнө, өнгөрсөн УИХ-ын сонгуулийн үеэр Бага тэнгэрийн аманд тансаг зэрэглэлийн хаустай болжээ. 
Тэрээр Сүхбаатарын талбайгаас ердөө 4-5 км зайтай Бага тэнгэрийн аманд “Содмонгол” группийн охин компанийн барьсан хаус хотхонд нүүж очсон байна. Энэ хотхон нь 300-1200 мкв талбай бүхий хауснуудтай. Төвийн шугамд холбогдсон. Үнийн хувьд нэг , хоёр тэр­­бумаар тогтохгүй юм байна. Өөрөөр хэлбэл, УИХ-ын дарга Г.Занданшатарын төрийн гэр нь Их тэнгэрийн аманд, хувийн гэр нь Бага тэнгэрийн аманд байна.
Хамгийн гол нь УИХ-ын дарга Г.Занданшатар энэ өндөр үнэтэй хаусыг ХОМ-тээ тусгасан уу гэдэг сонин байгаа юм. Удахгүй АТГ-аас 2020 оны ХОМ-ийг зарлахад ямар үнэтэй нь харагдах биз.
Дашрамд хэлэхэд, удахгүй одоогийн УИХ-ын бас нэг өндөр албан тушаалтан даргынхаа “худалдаж” авсан замаар Бага тэнгэрийн аманд төвхнөхөөр болсон гэх мэдээлэл байна. Мөн ийм маягаар хоёр сарын өмнө тус хотхонд өмнө нь УИХ-ын даргаар ажиллаж байсан нэг эрхэм нүүж очжээ. 

Эх сурвалж: "ЗУУНЫ МЭДЭЭ" СОНИН 2021.1.5 МЯГМАР № 2 (6479)