Т.САЙХАН

2021.01.04

ЭМЯ-наас COVID-19-ийн нөхцөл байдлыг танилцууллаа. 

ХӨСҮТ-ийн Тандалт, судалгааны албаны дарга А.Амбасэлмаа:-ХӨСҮТ-ийн вирус судлалын гурван лаборатори, ЗӨСҮТ-ийн лаборатори, Дархан-Уул, Сэлэнгэ, Орхон аймгийн салбар лабораторид нэгдүгээр сарын 04-ны 11.00 цагийн байдлаар нийт 13621 сорьцод шинжилгээ хийхэд 23 хүнээс COVID-19 илэрлээ. Тэдний 19 нь Хавдар судлалын үндэсний төв, Баянзүрх нэгдсэн эмнэлэг, Мөнххада компанийн голомтын дэгдэлттэй холбоотой бол хоёр нь 2020 оны арванхоёрдугаар сарын 20-нд Токиогийн нислэгээр ирсэн хүмүүсийн гуравдахь шинжилгээгээр илэрлээ. Үлдсэн хоёр нь Цэргийн төв эмнэлгийн эмч, сувилагч нараас илэрлээ.

Монгол Улсад COVID-19 халдварын батлагдсан 1286 тохиолдол бүртгэгдсэнээс зөөвөрлөгдсөн 408 тохиолдол байна. Эдгэрсэн 878, эмчлэгдэж байгаа 398 тохиолдлын дотор хөнгөн 262, хүндэвтэр 125, хүнд ес, маш хүнд хоёр хүн байгаа. Мөн нутаг буцсан ес хүн бий гэлээ.

Эх сурвалж:www.polit.mn