Т.САЙХАН

2021 оны нэгдүгээр сарын 1-нээс эхлэн хэд хэдэн хуулийн өөрчлөлт мөрдөгдөж эхлээд байна.   Үүний нэг нь анх удаа хөнгөн гэмт хэрэг үйлдсэн тохиолдолд хорих ял биш зорчих эрхийг хязгаарлах ялаар шийтгэж цахим бугуйвч зүүлгэхээр болсон билээ. Эрүүгийн хуульд заасан уг ял нь 2021 оны нэгдүгээр сарын 1-нээс буюу өнөөдрөөс эхлэн хэрэгжиж эхлэх юм.

Энэхүү ял нь  хэрэгт холбогдсон этгээдийн хувийн зан төлөв, үйлдсэн гэмт хэргийн нийгэмд учруулсан хор уршгийг харгалзан заавал хорих ял оноож нийгмээс тусгаарлахгүйгээр ажил хөдөлмөр эрхлэх, гэр бүл, үр хүүхдээ тэжээн тэтгэх үүргээ биелүүлэхийн зэрэгцээ сурч боловсрох эрхээ эдлэх, давтан гэмт хэрэг үйлдэх нөхцлийг бууруулах зэрэг нийгэм, эдийн засгийн чухал ач холбогдолтой хэмээн хууль санаачлагчид үзэж байгаа юм. Цахим бугуйвч хэрэглэснээр улсын төсөвт хорих ял эдлүүлэх зардлаас гурван тэрбум төгрөг хэмнэгдэх бөгөөд хэрэв цахилгаан бугуйвчийг тайлах, таслахыг оролдвол хорих ял болгон хүндрүүлж шийтгэх зохицуулалттай юм. 

Эх сурвалж:www.polit.mn