З.БАТЦЭЦЭГ

Гамалейн нэрэмжит төвийн захирал Александр Гинцбург “Спутник V” вакцин нь нөхөн үржихүйн эрүүл мэндэд сөрөг нөлөө үзүүлэхгүй гэлээ. Тэрээр энэ тухайгаа РИА Новостид хэлжээ.

Вакциныг зохион бүтээж байх явцад энэ тухай бодолцон үзэж хулгана, туулай дээр туршилт хийхэд “Ямар ч сөрөг нөлөө байгаагүй” гэж тэрээр хэллээ.

 “Вектор” эрдэм шинжилгээний төвийн гаргасан “ЭпиВакКорона” вакцин нөхөн үржихүйн эрүүл мэндэд нөлөөлөх талаар Оросын хэрэглээний хяналтын газраас 10 дугаар сарын 26-нд дүгнэлт хийсэн. Уг албаны хийсэн хяналтын урьдчилсан дүгнэлтээр нөхөн үржихүйн эрүүл мэндэд сөрөг нөлөө үзүүлэхгүй гэлээ. Хулгана, туулай дээр хийсэн туршилтаар тэдний бэлгийн булчирхайн бүтцэд өөрчлөлт ороогүй байна. Энэ нь хүнд аюулгүй гэдгийг нотолж байгаа юм гэдгийг Оросын хэрэглээний хяналтын газраас онцолжээ.

Одоогийн байдлаар ОХУ-д хоёр вакцин бүртгэгдсэн байгаа.  “Спутник V” вакциныг багш, эмнэлгийн ажилтнуудад хийгээд эхэлсэн байгаа бөгөөд хоёр үе шаттай хийгдэх юм. Эхний тун хийснээс 42 хоногийн дараа дархлаа тогтоно.

Эх сурвалж: www.lenta.ru