Х.ОЮУНБОЛД

Японы сансар судлалын агентлагийн мэргэжилтнүүд энэ сарын 5-нд ”Хаяабуса 2” сансрын хөлгөөс илгээсэн бортогийг нээсэн байна. Тэд тэндээс “Рюгү” гаригаас авчирсан байж болзошгүй хэсэг хар тоосонцрыг олжээ. Агентлагаас мэдээлснээр “Мэргэжилтнүүд бид энэ элс шиг хар тоосонцрыг “Рюгү” гаригаас ирсэн гэж итгэж байна. Үүнийг баталж чадна” гэж мэдэгдэлдээ дурджээ. Түүнээс гадна дээжийг авчирсан саванд байгаа олзны зургийг харуулсан байна. Мөн дээжийг хадгалсан саванд байгаа дээжний хавхлагийг нээхийн тулд үргэлжлүүлэн ажиллана гэжээ. “Рюгү” гаригийн дээжийг авчирсан энэ сав энэ сарын 6-нд Австралийн өмнөд нутгийн цөлд газардсан аж. Энэ 0.1 граммаас хэтрэхгүй жинтэй, өөр гаригийн газар доор байдаг материалаас авчирсан анхны дээж юм байна. Эрдэмтэд энэ дээж нь газар дээр амьдрал үүссэн тухай судалгааны ажилд хувь нэмрээ оруулна гэж найдаж байгаа юм. 4.6 сая жилийн настай “Рюгү” гариг нь нарны систем бий болсноос хойш хамгийн бага өөрчлөгдсөн гариг байж магадгүй гэнэ.

Эх сурвалж: www.polit.mn