Б.ДОЛЖИНЖАВ

ЭМЯ-наас COVID-19  халдварын нөхцөл байдалтай холбоотой ээлжит мэдээллээ 11:00 цагт /2020.12.13/ өглөө. Улсын хэмжээнд бямба гаригт 14987 хүнд шинжилгээ хийхэд нэг хүнээс халдвар илэрчээ. Ингэснээр дотоодын халдвар 454, Монгол Улсад батлагдсан тохиолдол 907 боллоо.

Энэ талаар ХӨСҮТ-ийн Тандалт судалгааны албаны дарга А.Амбасэлмаа “Халдвар илэрсэн нэг  тохиолдол нь Цэргийн төв эмнэлэгт эмчилгээ үзүүлж байсан сувилагч юм. Тусгаарлалтын 14 хоногийнхоо долоо дахь өдөрт шинжилгээ өгөхөд халдвар илэрсэн. Ингэснээр Эрүүл мэндийн ажилтнуудын дунд гарсан халдварын тоо 21 боллоо.Бусад голомтод халдварын тохиолдол нэмэгдээгүй. Халдвар авсан 514 хүн эмчлүүлж байгаагаас 429 хүний бие хөнгөн, хүндэвтэр 79, хүнд тав, маш хүнд хүн нэг байна " гэв.

Дотоодын халдвар 2020.12.13-ны 11:00 цагийн байдлаар

• Улаанбаатарт 138
• Сэлэнгэ 208
• Орхон 25
• Архангай 3
• Дархан-Уул 45
• Говьсүмбэр 4
• Дорноговь аймагт 31хүн халдвар аваад байна.

Эх сурвалж:www.polit.mn