Б.ДОЛЖИНЖАВ

БНХАУ садар самуун сурталчилсан, биеэ үнэлэх, мөрийтэй тоглоом, хчүирхийллийн агуулгатай контент хүргэдэг 105 аппликейшнийг хэрэглээнээс хасчээ. Гэтэл энэ жагсаалтад АНУ-ын аяллын аппликейшн “TripAdvisor” багтсан байна.  Энэ нь Хятадын “TikTok” аппликейшнийг ашиглахыг хориглох хоёр дахь удаагийн шүүх хуралтай давхцав. Хятадын Кибер гэмт хэрэгтэй тэмцэх захиргаа  хориглосон аппликейшний гуравны нэг нь  хүчирхийлэл сурталчилж, Цахим орчны хууль зөрчсөн гэснээс өөр тайлбар өгсөнгүй. Тиймээс ямар шалтгаанаар хориглосон нь одоогоор тодорхойгүй байна.

Гэхдээ АНУ болон Хятадын кибер орчны харилцаа сүүлийн саруудад хурцдаад байгаа билээ. Тухайлбал, ерөнхийлөгч Дональд Трамп “TikTok”-ыг ашиглахыг хориглож буйгаа зун зарласан. Үүний хариуд Хятадын эрх баригчид компаниудынхаа эрх ашгийг хамгаалахын тулд арга хэмжээ авахаа мэдэгдсэн билээ. Үүнээс гадна АНУ-ын Google, Facebook, Twitter  гэсэн аппликейшнийг ашиглах нь Хятадад хориотой  хэвээр байна.

Эх сурвалж:BBC