Э.БЭРЦЭЦЭГ

Хамгийн олон хүн амтай, том сумд тооцогддог Завхан аймгийн Тосонцэнгэл сум үндэсний сурын зориулалтын талбайтай болжээ. Уг талбайг тус сумын “Тосон идэр мэргэн” холбооны харваачид өөрсдөө засч тохижуулсан байна. Тус сумын харваачид нэгдэж, 2017 онд “Тосон идэр мэргэн” холбоог байгуулсан аж. Холбоог  байгуулснаар сумын харваачид клубийн системд шилжиж, бэлтгэл сургуулилтаа тогтмол хийдэг болсон байна.  Анх 10 хүрэхгүй харваачтай үйл ажиллагаагаа эхэлж байсан бол  гурван жилийн дараа гэхэд насанд хүрэгчид болон өсвөрийн 80 гаруй харваачтай болжээ.  Харваачдын тоо ийнхүү нэмэгдсэн  учраас сумын төвдөө зориулалтын талбайтай болсон байна. Энэ тухай “Энэ талбайд нэгэн зэрэг 24-28 харваач босч, сум тавих хүчин чадалтай. Энд Тосонцэнгэлийн залуучууд үндэсний сураар хичээллээд зогсохгүй хол ойрын харваачид бэлтгэл сургуулилтаа хийх боломжтой. Мөн  энэ талбай Монголын бүх харваачдад нээлттэй байх болно” гэсэн юм.

Эх сурвалж: www.polit.mn