Т.САЙХАН

Захиргааны хэргийн давж заалдах шатны шүүхэд өнөөдөр /06.04/ Монгол Улсын гурав дахь Ерөнхийлөгч, МАХН-ын дарга Н.Энхбаярын нэхэмжлэлтэй, Сонгуулийн ерөнхий хороонд холбогдох Захиргааны хэргийн урьдчилсан хэлэлцүүлэг боллоо.

Урьдчилсан хэлэлцүүлэгт нэхэмжлэгчийн зүгээс шинээр нотлох баримт гаргуулах, Цагдаагийн ерөнхий газарт холбогдуулан нэхэмжлэлийн шаардлагыг нэмэгдүүлсэн тул холбогдох ажиллагааг явуулахаар урьдчилсан хэлэлцүүлгийг хойшлуулсан байна. 

Энэ  үеэр  өмгөөлөгч Ё.Бямбатогтохоос тодруулахад "Шүүх хурал тодорхойгүй хугацаагаар хойшиллоо.  Монголд Үндсэн хуулийн гэх зүйл байхгүй болжээ. СЕХ, Захиргааны хэргийн шүүх нь ч захиалгаар ажиллаж эхэлсэн байна.  Бид МАНАН ариллаа гэдэг зүйл ярьж байсан бол харамсалтай нь улам бүр өтгөрсөн байна.  Яг хуулиа барих юм бол ард түмний талд сонгох эрхийн талд  шийдвэр гарах байлаа. Харамсалтай нь шударга үнэнийг үгүйсгэсэн шийдвэрүүд гаргаж байна" гэсэн юм. 

Эх сурвалж:www.polit.mn