Т.САЙХАН

Төсвийн байнгын хорооны хуралдаанаар өнөөдрийн /04.21/ хуралдаанаар Төрийн аудитын байгууллагын шинэчлэсэн найруулгын төслийг хэлэлцлээ. Энэхүү хуулийн төслийг  Л.Энх-Амгалан нарын долоон гишүүн өргөн мэдүүлсэн юм.   Хэлэлцүүлгийн үеэр ХЗДХ-ийн сайд Ц.Нямдорж нэг асуудлыг хөндөв. Тэрээр "Ерөнхий аудитор Д.Хүрэлбаатар байх үед УИХ-ын захиалгаар Тусгай албаны санхүүгийн зардалд аудит хийсэн.  Энэ шалгалтын дүгнэлтийг танилцуулахгүй юм уу. Тухайн үед аудит хийлгэх санал гаргаж байсан гишүүдийн нэг нь би.  Тусгай албаны зардлыг шал өөр зүйлд зарцуулаад дураараа дургиж байна. Хүний эрхийг зөрчих, хүнийг шоронд хатаах хүртэлх арга хэмжээнд зарцуулж байна. Шалгалтын дүнг танилцуул гэж хэлээд удаж байна. Нууц бол нууцынх нь хүрээнд дүнг танилцуул, би нууцлалыг задруулахгүй. Тусгай албаны арга хэмжээний зардлаас өөрт нь таалагддаг хүмүүст их хэмжээний мөнгөн тэтгэмж өгсөн асуудал хүртэл бий. Ийм юмнуудаа нуугаад байх юм гэлээ. 

Эх сурвалж:www.polit.mn