Т.САЙХАН

Төр нийгмийн нэрт зүтгэлтэн С.Зориг агсны төрсөн өдөр өнөөдөр /04.20/ тохиож байна. Энэ өдрийг тохиолдуулан АН-ын удирдлагууд, гишүүд дэмжигчид болон С.Зориг агсны гэр бүл, төрөл төрөгсөд түүний хөшөөнд цэцэг өргөж хүндэтгэл үзүүлэв.   Энэ үеэр АН-ын дарга С.Эрдэнэ талийгаачийн зүтгэж явсан хэвлэлийн эрх чөлөөг хамгаалахын төлөө Ардчилсан нам цаашдаа зүтгэнэ гэдгийг мэдэгдэв. С.Эрдэнэ  “Тун удахгүй Хэвлэлийн эрх чөлөөний өдөр тохионо.  Энэ жил хамгийн олон сэтгүүлч Зөрчлийн хуулиар дуудагдсан байна. Тиймээс энэ бүхний эсрэг АН тэмцэнэ. Сэтгүүлчийг Эрүүгийн хуулиар яллахаар болж, эрхзүйн орчныг дордууллаа. С.Зориг агсны хийсэн, гүйцэтгэсэн үүрэг роль бол асар их юм. 1990 оны хүнд хэцүү цаг үед ардчилсан хөдөлгөөнийг удирдаж, зөв зохион байгуулж, нийгмийг өөрчилсөн хувьсгалыг удирдан зохион байгуулна гэдэг хэн хүнд заяасан зориг биш. С.Зориг бол ардчилсан хувьсгалд асар их үүрэг гүйцэтгэсэн хүн. Олон арван найз нөхдийн хамт ардчилсан хувьсгалыг амжилттай зохион байгуулж, өнөөгийн шинэ нийгмийг бий болгож чадсан” гэлээ

Эх сурвалж:www.polit.mn