Т.САЙХАН

Дорнод аймгийн Баяндун, Баян-Уул сумын нутагт  ой, хээрийн гал түймэр гарчээ.  Энэ сарын 15-нд гарсан түймрийг одоо хүртэл унтрааж чадаагүй байна.  Онцгой байдлын ерөнхий газрын Гал түймэртэй тэмцэх газрын дарга, хурандаа Ц.Нямбаяраар ахлуулсан Онцгой байдлын байгууллага, Хил хамгаалах байгууллага болон орон нутгийн иргэд унтраахаар ажиллаж байгаа юм.

Он гарсаар дөрөвдүгээр сарын 17-ны өдрийн байдлаар Архангай, Булган, Дорнод, Сэлэнгэ, Сүхбаатар, Хэнтий, Хөвсгөл зэрэг долоон аймгийн 23 суманд нийт 31 удаагийн ой, хээрийн түймэр бүртгэгдсэн байна.

Дээрх түймрийн улмаас урьдчилсан байдлаар 98 мянга 200 га талбай өртөж, гурван айлын өвөлжөө, нэг автомашин шатаж, нийт 2.9 тэрбум төгрөгийн хохирол учирчээ.

Түүнчлэн Сэлэнгэ аймгийн Ерөө сумын 51 дүгээр баг “Энхтал” гэх газар, Хөвсгөл аймгийн Жаргалант сумын Хөгжил багийн Тойн Баян-Уул гэх газар түймэртэй байгаа бөгөөд албаныханг цурманд оруулан бүрэн унтраахаар ажиллаж байна.

Эх сурвалж:www.polit.mn