Н.МӨНХЖИН

Хөлбөмбөгийн дэлхийн аваргын тэмцээнд хамгийн олон гоол оруулсан Бразилийн хөлбөмбөгч Роналдо удаан эргэцүүлсний эцэст эрэгтэйчүүдэд зориулсан алдарт “Playboy” сэтгүүлийн бразил хувилбарыг худалдаж авчээ. Гурван жилийн өмнө зодог тайлсан төвийн довтлогч маань сайхан хүүхнүүдэд ихээхэн дуртай нэгэн билээ. Тэрээр “Барселона”-д тоглож байхдаа хөнгөмсөг явдалтай хоёр ч хүүхэнтэй багийнхаа хувцас солих өрөөнд байж байгаад “азаартаж” байсан удаатай. Мөн багийнх нь оройн хоолонд орж байхад “Дорсгор” хочит Роналдо ганцаараа зөрүүдэлж хүүхнүүдтэй зугаацахаар явдаг байжээ.

Хэдэн жилийн өмнө “Дорсгор” Рио-де-Жанейро хотод гурван бүсгүйтэй зэрэг учрахаар болж, нөгөө хүүхнүүд нь тайчиж эхлэхэд хоёр нь “транс” байж, хэвлэлээр нэг шуугиан болж байсан билээ. Энэ явдлын улмаас тэрээр анхны найз бүсгүй Сюзана Вернерээс салсан юм.

2005 онд Бразилын нэгэн зөөгч бүсгүй Роналдогийн гэрлэлтээс гадуурх хүүхдийг төрүүлжээ. Таван жилийн дараа хүүхдийн эцгийг тогтоох тест хийлгэсний эцэст тэрээр хүүгийн аав гэдгээ хүлээн зөвшөөрсөн юм. Роналдо гурван өөр бүсгүйгээс дөрвөн хүүхэдтэй. Дашрамд сонирхуулахад, Роналдо Рио-де-Жанейро хотод бэлтгэлийн заалны сүлжээ, их сургуулийн барилга эзэмшдэг. Мөн Парис, Мадрид, Сан-Паулу, Рио-де-Жанейро хотод нэг нэг байртай. Түүний жилийн орлого 15 сая доллар ажээ.