Б.Төгс

Малайзын Ерөнхий сайд болсон Боинг 777-200 Энэтхэгийн далайн өмнөд хэсэгт осолдсон нь гарцаагүй болсныг албан ёсоор мэдэгдэж эмгэнэл илэрхийллээ. Тэрээр өчигдөр Монголын цагаар 22 цагийн үед энэ талаар албан ёсны мэдэгдэл хийлээ. Их Британийн Агаарын тээврийн ослыг мөрдөн шалгах байгууллагаас гаргасан шинэ дүгнэлтийг үндэслэн энэ талаар мэдээлжээ. Мөн зорчигчид болон нислэгийн багийнхны ар гэрийнхэнд энэ харамсалтай мэдээг утсаар нь хүргэсэн гэж хэлсэн байна. Онгоцны хамгийн сүүлчийн байршил нь Австралийн Пертээс баруун зүгт Энэтхэгийн далайн баруун өмнөд хэсэгт тогтоогджээ. Хэдийгээр онгоцыг олоогүй байгаа ч Энэтхэгийн далайд сүйрсэн болохыг хиймэл дагуул харуулж байна гэж мэдэгдэлдээ онцолсон гэж CNN мэдээллээ. Энэ хэсэг нь газардах боломжтой хуурай газраас хэтэрхий алслагдмал газар учир ямар ч найдвар байхгүй гэж үзжээ.  Эх сурвалж: www.Polit.mn