Дэлхийн худалдааны байгууллагыг шинэчлэхийг уриаллаа

2019-06-30
Нийтэлсэн: Админ
 1 мин
 Х.ОЮУНБОЛД Японы Осака хотод их 20-ийн уулзалт болж төрийн тэргүүнүүд дэлхийн дахинд тулгараад байгаа асуудлаа хэлэлцлээ. Чуулган өндөрлөх үеэр тэд чөлөөт болон шударга худалдааг хөгжүүлэх талаар өгсөн амлалтаа баталгуужуулж, дэлхийн худалдааны байгууллагыг шинэчлэхийг уриалсан гэж мэдэгдэлд дурджээ. Мэдэгдэлд “Бид хөрөнгө оруулагчдыг ялгаварлан гадуурхдаггүй, ил тод, таамаглах боломжтой, тогтвортой нөхцөл байдалтай, зах зээлийг нээлттэй байлгах  чөлөөт, шударга худалдааг бий болгохыг зорьж байна”  гэж бичсэн байна.  Мөн чуулганд оролцсон төрийн тэргүүнүүд олон улсын худалдаа, хөрөнгө оруулалт нь шинэ ажлын байрыг бий болгох, үйлдвэрлэл үйлчилгээг нэмэгдүүлэх, шинэчлэл хийхэд чухал болохыг онцолжээ. Түүнчлэн дэлхийн худалдааны байгууллагын ажиллагааг сайжруулахад шаардлагатай шинэчлэл хийхийг дэмжиж байгаагаа бататгасан байна. Тэд энэ худалдааны бусад гишүүн оронтой хамтран зохион байгуулалттайгаар ажиллана гэдгээ онцолжээ.  Түүнээс гадна энэ шинэчлэл нь дэлхийн худалдааны байгууллагын гишүүн орнуудын тохиролцсон дүрэм журмаас өөр  шийдвэрийг  системд дасан зохицоход хэрэгтэй гэж мэдэгдсэн байна. Мөн чөлөөт худалдаанд бүс нутгийн болон талуудын байгуулсан гэрээ хэлэлцээр нэмэлт чухал үүрэг гүйцэтгэдэг болохыг зөвшөөрчээ. Чуулганд оролцсон төрийн тэргүүнүүд “Бид худалдааны ажиллагаанд зориулсан тохиромжтой уур амьсгалыг бий болгохын тулд тоглоомын цорын ганц дүрмийг баримтлан ажиллана” гэдгээ онцолсон байна. Их 20-ийн чуулганаар дэлхийн геополитик, худалдааны маргаан хурцдаж байгааг зөвшөөрчээ. Чуулган өндөрлөх үеэр хийсэн мэдэгдэлд энэ талаар дурдаад, бид энэ эрсдэлийг хянана. Түүнчлэн бид үйл ажиллагаа явуулахад бэлэн байна гэж дурдсан аж. Мөн дүрвэгчдийн асуудлыг шийдвэрлэх арга хэмжээний талаар авах талаар тохиролцсон байна. Тодруулбал, дүрвэгчдийг эх орноосоо дүрвэх шалтгаан, хүн төрлөхтний өсөн нэмэгдэж байгаа хэрэгцээг хангахын төлөө тэмцэх арга хэмжээ нь чухал болохыг онцолжээ. Чуулганд оролцсон орны төрийн тэргүүнүүд дэлхийн хүн амын эрүүл мэндийг сайжруулах, хүн амын хөгшрөлттэй тэмцэхийн тулд арга хэмжээ авна гэж амласан байна. Мөн эрүүл мэнд нь эдийн засгийн тогтвортой хөгжилд чухал үүрэгтэй болохыг онцолжээ. Түүнээс гадна  Африкт дэгдээд байгаа вирусын халдварт өвчин эбола, сүрьеэ, хумхаа болон дархлалын олдмол хомсдлын өвчнийг устгана гэж амласан байна.  Олон улсын авлигатай тэмцэх, түүнээс урьдчилан сэргийлнэ гэж мэдэгджээ. Түүнчлэн олон улсын хээл хахуультай тэмцэх ажиллагааг эрчимжүүлэх, их 20-ийн гишүүн орон бүрт бусад орны албан тушаалтныг хахуульдахыг эсэргүүцсэн, хүчин төгөлдөр болгох боломжтой хуулийг хэрэгжүүлнэ гэж амласан аж. Тэд авлигын эсрэг чиглэсэн тэмцлээ хамтран үргэлжлүүлнэ. Мөн авлигын асуудалд орооцолдсон хувь хүнийг орогнуулахаас татгалзсан амлалтаа бататгаж байгаагаа онцолжээ. Эх сурвалж: www.polit.mn
Евразийн эдийн засгийн холбооны хэлэлцээрийг дэмжив

Эдийн засгийн байнгын хорооны хуралдаанаар Монгол Улс болон Евразийн эдийн засгийн холбоо, түүний гишү

1 цаг 14 мин
Христийн дахин амилсан өдрөөр бурхныг зорьсон Ромын пап

Дэлхийн католик шашинт 1,3 тэрбум хүний оюун санааны эцэг Ромын пап Францис тэнгэрт хальсан мэдээг

1 цаг 14 мин
“Уран гулгалтын олимп, дэлхийн аваргууд Монголд үзүүлбэрээ үзүүлнэ”

“Дэлхийн уран гулгалтын одод Монголд” тоглолт “Степпэ Арена” мөсөн өргөөнд тавдугаар сарын

16 цаг 13 мин
О.Номинчимэг: Татвараас чөлөөлөх барааны жагсаалтаас тамхийг хасах хэрэгтэй

Тамхийг жагсаалтаас хасах саналаа хүргүүлсэн

17 цаг 4 мин
"Автотээврийн үндэсний төв"-ийн албан тушаалтнуудын хэргийг шүүхэд шилжүүлжээ

"Автотээврийн үндэсний төв"-ийн албан тушаалтнуудын хэргийг шүүхэд шилжүүлжээ

18 цаг 17 мин
АТГ-аас Төгрөг нуурын ордтой холбоотой асуудлыг шалгаж эхэлжээ

АТГ-аас Төгрөг нуурын ордтой холбоотой асуудлыг шалгаж эхэлжээ

18 цаг 22 мин
Л.Гантөмөр: Японд байгаа Элчин сайд ажил хийхгүй байна

Л.Гантөмөр: Японд байгаа Элчин сайд ажил хийхгүй байна

18 цаг 27 мин
Агаарын хөлгийн түлш нийлүүлэх Оросын саналыг дэмжинэ, дэмжихгүй

УИХ-д суудалтай намын бүлгүүд өчигдөр хуралдаж, цаг үеийн зарим асуудлаар байр сууриа нэгтг

Өчигдөр 06 цаг 00 мин
Төгрөг нуурын ордын “шинэ” шуугианы хуучраагүй “хуучин” баримтууд

УИХ-аас 2007 оны хоёрдугаар сарын 6-ны өдөр “Тодорхой ордыг стратегийн ач холбогдол бүхий ашигт малтмалын ордод хамаару

Өчигдөр 06 цаг 00 мин