Х.ОЮУНБОЛД Цагаан ордны хэвлэлийн төлөөлөгч Сара Сандерс “АНУ-ын ерөнхийлөгч Дональд Трамп, Хойд Солонгосын удирдагч Ким Жон Ун нар Ханойд болж байгаа хоёр дахь удаагийнхаа уулзалтаар гэрээ байгуулж чадсангүй гэж мэдээлэв. Тэрээр “Тэд одоогоор ямар нэгэн гэрээ байгуулаагүй байна. Гэхдээ хоёр орны уулзалтад оролцож байгаа багийнхан ирээдүйд тэднийг дахин уулзана гэж найдаж байна” гэж мэдэгдэлдээ дурдсан байна. Мөн Дональд Трамп, Ким Жон Ун нар цөмийн зэвсгээс ангижрах олон хэлбэрийг хэлэлцсэн гэв. Сара Сандерс үүнээс минутын өмнө  тэдний өдрийн зоог  цуцлагдсан гэж мэдээлсэн юм. Учир нь Дональд Трамп хийхээр төлөвлөсөн хэвлэлийн хурлаа хоёр цагаар урагшлуулсантай холбоотой юм байна. Харин АНУ-ын ерөнхийлөгч, Хойд Солонгосын удирдагч нар “Метрополь” зочид буудлаас гараад тэдний буусан зочид буудал руу буцсан байна. Эх сурвалж:www.polit.mn     .