Х.ОЮУНБОЛД Олон улсын  ажиглагчид   өөрийгөө зарлан тунхагласан  Бүгд найрамдах Донецк болон Луганск ард улсад болох ерөнхийлөгч, их хурлын  гишүүдийг сонгох сонгуулийг гэрчээр оролцохоор ирсэн байна.  Донецкийн сонгуулийн ерөнхий комисс гаргасан мэдэгдэлдээ “Шинээр тунхагласан орны ерөнхийлөгч, зөвлөлийн гишүүдийг сонгох сонгуульд олон улсын ажиглагчид ирсэн.Тэдний дотор олон орны  улс төр, нийгмийн зүтгэлтнүүд ирсэн байна” гэж бичжээ.Түүнчлэн Герман, Абхаз, Австри, Бельги, Франц, Грек, Итали, Өмнөд Осет, ОХУ болон бусад орны олон улсын ажиглагчид ирсэн байна гэж тодрууллаа. Донецкийн төв комиссын дарга Ольга Поздникова өнгөрсөн лхагва гаригт сонгуулийн ажиллагаанд ажиглагчаар оролцохоор  14 орны 48 төлөөлөгч бүртгүүлсэн гэж мэдээлсэн юм. Луганскт болох сонгуульд 22 орны ажиглагч ирсэн гэж тэдний нэг Германы зүүний намын улстөрч Андреас Маурер гэж мэдэгджээ. Тэрээр “Би ганцаараа энд байсан бол магадгүй эргэлзэх байсан. Гэхдээ манай түнш Голланд, Финлянд болон  өөр 22 орны ажиглагчид сонгуульд оролцохоор бүртгүүлсэн нь бид олуулаа байгааг харуулж байна” гэж хэвлэлийнхэнд ярьжээ. Өөрийгөө зарлан тунхагласан хоёр орны ерөнхийлөгч, их хурлын гишүүдийг сонгох сонгуулийг өчигдөр хийхээр төлөвлөсөн.  Харин энэ сонгуулийн комиссын дүнг Киев зөвшөөрөхгүй гэдгээ мэдэгдсэн юм. Кремлийн зүгээс энэ сонгууль нь Минскийн гэрээтэй зөрчилдөхгүй байна гэж үзжээ. Эх сурвалж: mundo.sputniknews.com