SU-27P загварын онгоц

Х.ОЮУНБОЛД Украйны агаарын нисэх хүчин ирэх сарын 8-19-нд  НАТО-гийн гишүүн найман оронтой хамтарсан цэргийн сургуулилт хийхээр төлөвлөжээ. Энэ талаар Украйны Батлан хамгаалах яамнаас гаргасан мэдэгдэлд  “Хээрийн сургуулилтад Бельги, Их Британи, Дани, Эстони, Македон, Польш, Румын болон АНУ оролцоно” гэж дурдсан байна. Тус улсын баруун болон төв нутагт хийх  хээрийн сургуулилтад 700 цэрэг оролцох бөгөөд тэдний тал нь украйн цэргүүд ажээ.  Хээрийн сургуулилтын зорилго нь холбоотнуудынхаа хамт тактикийн ажиллагааг хийж биелүүлэх, өөр бусад орны агаарын нисэх хүчний туршлагыг нэмэгдүүлэх болон нисгэгчдийн төвшинг дээшлүүлэх зорилгоор агаарын хүчний хамгаалалтын хамтарсан ажиллагааг хийхэд чиглэж байгаа юм гэж мэдэгдсэн байна.  Украйны одоогийн Засгийн газар НАТО-д элсэхийг хүсч байгаа юм. Гэвч 2014 оны арванхоёрдугаар сард  Украйны парламент тус улсыг  цэргийн энэ эвсэлд  элсэхийг хориглосон хуулийг баталжээ. Үүнээс жил хагасын дараа  Украйны гадаад бодлогын зорилгын дагуу НАТО-д элсэхийг баталсан  шинэ хууль батлагдсаны дараа ОХУ энэ нь Европын аюулгүй байдалд хохирол учруулна гэж мэдэгдэж байжээ. Мөн Украйн нь 2020 он хүртэл  цэрэг дайны энэ эвслийн гишүүн орны цэргүүдтэй туршлага хуваалцахаар төлөвлөсөн байна. Гэвч олон мэргэжилтнүүд Украйныг ойрын хоёр жилдээ НАТО-гийн гишүүнээр элсч чадахгүй хэмээн тооцоолжээ. Эх сурвалж: mundo.sputniknews.com