Т.САЙХАН

УИХ-ын чуулганы нэгдсэн хуралдаанаар Хархорум хотын бүтээн байгуулалт, хөгжлийг дэмжих тухай хуулийн төсөл болон хамт өргөн мэдүүлсэн хуулийн төслийг хэлэлцэж байна.  Хуулийн төсөлтэй холбоотойгоор гишүүд ажлын хэсгийнхнээс асуулт асууж хариулт авч байна. 

УИХ-ын гишүүн Б.Баярбаатар:-Шинэ Хархорумтай холбоотойгоор  өнгөрсөн чуулган дээр хоёр заалт унасан.   Газар эзэмшүүлэх, ашиглуулахтай холбоотой заалт байсан.  Уг нь үүнийг Газрын тухай хуулиараа шийдээд явах боломжтой байлаа.   Хөрөнгө оруулалт татах эрх зүйн орчныг бид хуулиараа нээгээд өгсөн бол зүгээр байсан шүү.  Ажлын хэсгийн дарга Г.Тэмүүлэнтэй ярилцаад ойлголцсон байгаа. Ерөнхийлөгч У.Хүрэлсүх Турк улсад айлчилж, Хархорум хотын хөрөнгө оруулалтын санамж бичигт гарын үсэг зурсан. Бид эрх зүйн орчныг нээж өгөх нь зүй ёсны асуудал.  Дараагийн нэг зүйл нь энэ хотын концепцыг УИХ батална гээд байнгын хороон дээр ороод ирсэн. Төлөвлөлтийг УИХ, концепцыг Засгийн газраар батлуулбал уг нь. Чуулган завсарлаад гуравдугаар сарын 15-н хүртэл цуглахгүй учраас энэ хооронд батлагдахгүй юм байна.  Тиймээс Засгийн газраар батлуулбал зүгээр болов уу. 

Ажлын хэсгийн дарга, УИХ-ын гишүүн Г.Тэмүүлэн: -Бид түүхэн нийслэлээ сэргээн байгуулахаар хуулийнхаа эцсийн хэлэлцүүлгийг хийж байна. Хотын хөгжлийн ерөнхий төлөвлөгөөний үзэл баримтлал болоод концепцыг УИХ батлахаар оруулж ирсэн. Ийм жишиг байгаа. Том бодлогын асуудлыг УИХ-аар хэлэлцүүлэх нь зүйтэй гэж орж ирж байгаа. Зарчмын хувьд зөв гэж харж байгаа.  Бид эрэмбэ дарааллаараа аливаа бодлого шийдвэрүүдийг гаргаад явах нь зүйтэй гэж харж байна.  Энэ ондоо багтаад хаврын чуулганд хотын төлөвлөгөөгөө оруулж ирж батлуулах төлөвлөгөөтэй байна. 

Эх сурвалж:www.polit.mn