К.АНУ

АНУ-ын Ерөнхийлөгчөөр сонгогдсон Дональд Трамп АНУ-ын түүхэн дэх улс төрийн хэд хэдэн олныг хамарсан аллагын мөрдөн байцаалтын талаарх урд өмнө мэдэгдээгүй баримт бичгүүдийг олон нийтэд нээлттэй болгохоо амлалаа. Тодруулбал, тэрээр АНУ-ын 35 дахь Ерөнхийлөгч Жон Кеннедигийн амийг хөнөөсөн талаарх материалыг нууцын зэрэглэлээс гаргана гэсэн тараа ТАСС агентлаг нэгдүгээр сарын 20-ны даваа гарагт мэдээлжээ. Улстөрч "Бид Ерөнхийлөгч Жон Кеннеди, түүний дүү Роберт Кеннеди болон Мартин Лютер Кинг нарын аллагатай холбоотой үлдсэн бичлэгийг олон нийтэд дэлгэх гэж байна" гэж "Capital One Sports Arena"-д дэмжигчдийнхээ өмнө хийсэн цуглаан дээр хэлсэн байна. "Олон нийтийн анхаарлыг татсан бусад сэдвээр" материалууд хэвлэгдэх болно гэж тэр батлав. Доналд Трамп сонгуулийн кампанит ажлын үеэр хэрвээ ялалт байгуулвал аллага үйлдэх оролдлогыг шалгах ерөнхийлөгчийн бие даасан комисс байгуулж, тэр дундаа ерөнхийлөгч Жон Кеннедигийн амийг хөнөөсөн хэргийн бүх баримт бичгийг нийтлэх болно гэж мэдэгдэж байсан билээ. Тэрээр мөн энэ комисс 2024 оны долдугаар сард болсон өөрийг нь хөнөөх оролдлогыг шалгах ёстой гэж хэлж байсан аж. Жон Кеннеди 1963 оны арваннэгдүгээр сарын 22-нд Техасын Даллас хотод алагдсан. Аллагын нөхцөл байдлын мөрдөн байцаалтын талаарх Уоррены комиссын албан ёсны тайланг 1964 онд нийтэлсэн. 1992 онд тухайн үеийн АНУ-ын Ерөнхийлөгч Жорж Буш Кеннедигийн амийг хөнөөх оролдлогын талаарх мэдээллийг агуулсан бүх баримт бичгийг 25 жил буюу 2017 он хүртэл нууцалж байжээ. Гэхдээ одоогоор ямар нэгэн мэдээлэл гараагүй байна.

Эх сурвалж: polit.mn