Монгол Улсын төр, нийгмийн нэрт зүтгэлтэн, УИХ-ын гишүүн Цэндийн Шинэбаяр агсны амьдрал, замналыг өгүүлсэн “Цэндийн Шинэбаяр” хэмээх хөрөг номын хурим өчигдөр (2024.11.20) боллоо. “Цэндийн Шинэбаяр: Намтар, замнал, үйл хэрэг, үзэл санаа, түүхэн баримт” хөрөг номыг түүний мэндэлсний 65 жилийн ойг тохиолдуулан гэр бүл, үр хүүхдүүд нь бичиж хэвлүүлжээ. Тус номд Ц.Шинэбаяр агсны эрчим хүчний салбарын инженерээс УИХ-ын гишүүн хүртэлх амьдралын түүхийг он цагийн дарааллаар өгүүлсэн байна. Мөн түүнтэй хамт ажиллаж байсан хүмүүсийн дурсамж, хэвлэлд өгсөн ярилцлага болон хэлсэн үгээр нь ишлэл түүвэрлэн багтаажээ. Цэндийн Шинэбаяр агсан Дорнод аймгийн Дулааны цахилгаан станцын дарга, үндэсний үйлдвэрлэгч “Найнги” компанийг үүсгэн байгуулагч, Монгол Улсын шилдэг татвар төлөгч, Дорнод аймгийн Иргэдийн Төлөөлөгчдийн Хурлын дарга, УИХ-ын гишүүнээр сонгогдон ажиллаж байсан бөгөөд 58 насандаа өвчний улмаас таалал төгссөн юм.
Номын хуримыг нээж Цэндийн Шинэбаяр агсны хүү, УИХ-ын гишүүн Шинэбаярын Бямбасүрэн “Аавынхаа богинохон амьдралдаа туулсан баялаг намтар, бардам замнал, бахархам үйл хэрэг, баларч үл арилах үзэл санааг үе үеийн эх орончдын түүхэнд баринтаглан нэмлээ. Миний аав Цэндийн Шинэбаяр буруутай этгээдийн өмнө үл эмээгч, буурай ядуугийн өмнө үл эрдэгч, шударга ёсны харуул, энх цагийн эх оронч байлаа. Ийм аавын хүү болж төрснөөрөө үргэлж бахархаж явдаг” хэмээсэн юм.
“Цэндийн Шинэбаяр” хөрөг номын хуримд түүний гэр бүлийнхэн болон найз нөхөд, хамтран зүтгэгчид хүрэлцэн ирж, дурсамжаа хуваалцан сэтгэгдлээ илэрхийллээ. “Хүний туулсан амьдрал тухайн цаг хугацааныхаа түүх нь болж үлддэг. Цэндийн Шинэбаяр агсны Монголын төрд үлдээсэн шударга үнэний төлөөх зам мөр, нийгэмд танигдсан үзэл санааг түмэн олонд түгээн дэлгэрүүлэх хэрэгтэй. Энэ үүднээсээ ач холбогдолтой ном болжээ. Төрд үүрлэсэн хулгайчдыг илчилж, эрх баригчдыг айлгүй шүүмжилж, сөрөг хүчний үүргийг гүйцэтгэж явсан Шинэбаяр шиг улстөрчид өнөө цагт цэвэр агаар мэт дутагдаж байна” гэдгийг номын нээлтэд хүрэлцэн ирсэн зочид хэлж байв.
Эх сурвалж: “Зууны мэдээ” сонин
2024 ОНЫ АРВАННЭГДҮГЭЭР САРЫН 22. БААСАН ГАРАГ. № 227 (7471)
Т.Мөнхсайхан: Улсын эмнэлгүүд төлбөртэй үйлчилгээ үзүүлэх нөхцөл байдал үүсээгүй
Эрүүл мэндийн даатгалын сангийн санхүүжилт зогссоны улмаас зарим эмнэлгүүд тусламж ү
5 цаг 12 мин
Орос, Хятадын хийн хоолой яагаад Монголоор биш Казахстанаар явахаар болсон бэ?
Монгол Хятад улсууд төрийн түвшинд ярьж байж 16 жил гацсан
5 цаг 17 мин
RSF: 2024 оны Хэвлэлийн эрх чөлөөний шагналыг хэн хүртэх вэ?
“Хил хязгааргүй сурвалжлагчид” (RSF) байгууллага нь Хэвлэлийн эрх чөлөөний ша
5 цаг 26 мин
Хэрэглээг дагаж сагсаа өөрчлөх цаг болжээ
Цар тахлын үед нэг удаагийн амны хаалт, гар ариутгагч, нойтон салфитка, эм, эмнэлгийн хэ
5 цаг 31 мин
“Баримт нэн тэргүүнд” сүлжээний сэтгүүл зүйн бүтээлийн шилдгүүд шалгарлаа
Хуурамч мэдээлэлтэй тэмцэх “Баримт нэн тэргүүнд” үндэсний сүлжээний олон нийтийн төлөөх
5 цаг 43 мин
“Цэндийн Шинэбаяр” хөрөг номын нээлт болов
Монгол Улсын төр, нийгмийн нэрт зүтгэлтэн, УИХ-ын гишүүн Цэндийн Шинэбаяр агсны амьд
5 цаг 45 мин
Дартсын тамирчид бүсийн тэмцээндээ амжилттай оролцжээ
Монголын сонгодог Дартсын холбооны тамирчид Ази номхон далайн бүсийн аварга ша
6 цаг 8 мин
Н.Хангайцэцэг: Дахин ашиглахгүй бол Монгол Улс усны хангамжаа нийлүүлж чадахгүйд хүрнэ
Энэ удаагийн “Start up” буландаа бохир усыг цэвэршүүлэн дахин ашиглах төслийг хэрэгжүүлж буй “Түмэн амгалан ордон” ХХК-ийн Төслийн менежер Н.Хангайцэцэгтэй ярилцлаа.
14 цаг 22 мин