Ирэх оны төсвөөс үр ашиггүй зардлуудыг хасахыг шаардав

2024-11-05
Нийтэлсэн: Админ
 3 мин унших

Т.БАТСАЙХАН

 

УИХ-ын гишүүн Д.Энхтүвшин, Ж.Баярмаа, Г.Тэмүүлэн, Б.Түвшин нарын гишүүд 2025 оны төсвийн төслийн зардлыг бууруулах асуудлаар Ерөнхий сайд Л.Оюун-Эрдэнэд шаардлага хүргүүлж байгаа талаараа мэдээлэл хийлээ. Гишүүдийн байр суурийг хүргэж байна.

 

УИХ-ын гишүүн Д.Энхтүвшин:

-Засгийн газраас оруулж ирсэн 2025 оны нийт төсвийн ДНБ-д эзлэх 37.7 хувь байхаар тусгасан. Энэ 2024 оны хүлээгдэж буй гүйцэтгэлээс нэмэгдсэн.  Мөн энэ нь дөрвөн сарын өмнө амлаж байсан амлалтаас зөрж байна. Төсвийн нэмэгдэж байгаа дүнгээр хувийн хэвшлийн орон зайг нэмсэн бол өөр хэрэг. Харин төсвийн тэлэлтээр төр урсгал зардлаа л нэмэгдүүлсэн байна. Энэ нь иргэд, аж ахуйн нэгжүүдийн үйл ажиллагаанд сөргөөр нөлөөлөхөөр байна. Үүнийг мэдсээр байж чимээгүй сууна гэдэг хэзээ ч байж боломгүй асуудал юм.

 

УИХ-ын гишүүн Ж.Баярмаа:

-Томилолт зочны зардалд 111 тэрбум тавьсан бөгөөд өмнөх оныхоос  дөрөв дахин өссөн байна.Тавилга эд хогшилд 268 тэрбум төгрөг тавьсан нь өмнөх оноос 2.5 дахин нэмэгдсэн. Мэдээллийн технологийн үйлчилгээнд 70 тэрбум төгрөг тусгасан 2024 оныхоос 3.6 дахин өссөн байна. Бусдаар гүйцэтгүүлсэн ажил үйлчилгээний төлбөрт 1.9 их наяд төгрөг буюу өмнөх оноос 2.5 дахин өссөн байна. Хэнээр ямар үйлчилгээ гүйцэтгүүлэх нь тодорхойгүй, зураг төсөлгүй ажлууд олон байна. Бараа үйлчилгээний зардал 450 тэрбумаас 950 тэрбум болж өссөн байна.

 

УИХ-ын гишүүн Б.Түвшин:

-Бүтээмжийг нэмэгдүүлж, үр ашиггүй зардлуудыг хасахыг Засгийн газраас шаардаж байна. Төсвийн орлогын 77 хувийг урсгал зардалд гаргаж байна. Тиймээс энэ үргүй зардлуудыг хасах тусгай шаардлагыг хүргүүлж байгаа юм.

 

УИХ-ын гишүүн Г.Тэмүүлэн:

-Төсөв, эдийн засаг хоёрыг салгаж ярих боломжгүй. Зардлын хэт их өсөлт, төсвийн тэлэлт нь иргэдийн амьдралд эергээр биш сөргөөр нөлөөлөх, бизнесийн оролцоог бууруулах сөрөг талтай. Төсвийн тэлэлтийг дагаад инфляц хоёр оронтой тоо руу орох, төгрөгийн ханш сулрах эрсдэл рүү оруулна. Бизнес хумигдаж, валютын ханш өснө. Тиймээс 2025 оны төсвийг дахин хэлэлцэж, тодорхой өөрчлөлтүүдийг оруулах шаардлагатай байна. Эдийн засагт үзүүлэх сөрөг нөлөөллийг бууруулах ёстойгэж үзэж байна. Бид төсвийн урсгал зардлыг 3.6 их наяд төгрөгөөр бууруулах шаардлагыг тавьж байна. Ингэснээр инфялц, ханшид нөлөөлөх нөлөөллийг бууруулах боломжтой. Ханш 175 төгрөгөөр нэмэгдэхэд инфляц 1 хувиар өсөх эрсдэлтэй. Төсвийн зардлыг 3.6 их наядаар тэлэхэд инфляц дээр 1.5 хувийн нөлөө ирэх тооцоо байна. Төсвийн тэлэлт, зардлын өсөлтийг дагаад импортын хэрэглээ өснө, үүнийг дагаад ам.долларын ханш чангарах, валютын нөөц буурах бодит эрсдэл байна. Засгийн газрын дэвшүүлж байгаа мега төслүүдийг дэмжинэ. Харин 14 мега төслөөр халхавчилж төсвийн ерөнхийлөн захирагч нарын урсгал зардлыг нэмэгдүүлэх эрсдэл байгаа учраас эргэн харах нь зүйтэй. Бид иргэдийн орлогыг хамгаалах акц хийж байгаа учраас төсвийн зардлыг бууруулах шаардлагыг зөвөөр ойлгож  УИХ, Засгийн газар төсвөө дахин хэлэлцэхэд анхаарахыг шаардаж байна”  гэлээ.

Мөн энэ үеэр Хамтарсан Засгийн газарт багтсан МАН, АН, ХҮН намын мөрийн хөтөлбөрт тусгасан амлалтыг санууллаа.

МАН-Улсын төсвийн зардлын ДНБ-д эзлэх хувийг 25 хувьд хүргэж бууруулна. Засгийн газрын өрийг ДНБ-ий 40 хувиас доош барина.

АН-Төсвийн зардлыг 20 хувиар багасгана.

ХҮН нам-Бизнест ээлтэй татварын орчин бий болгоно, төсвийн зардлыг бодитой бууруулна гэж амласан. Харин энэ амлалтынхаа эсрэг төсөв оруулж ирсэн гэлээ.

Эх сурвалж: “Зууны мэдээ” сонин

2024 ОНЫ АРВАННЭГДҮГЭЭР САРЫН 5. МЯГМАР ГАРАГ. № 214 (7458)

Х.Тэмүүжин: Архивыг бүтнээр нь айл руу гаргасан албан тушаалтанд эрүүгийн хариуцлага тооцох гэхэд төрийн том шагнал өгч байсан

УИХ-ын чуулганы нэгдсэн хуралдаанаар Монгол Улсыг 2021-2025 онд хөгжүүлэх таван жилийн ү

5 цаг 55 мин
Эрх мэдэл, албан тушаалын байдлаа урвуулан ашигласан хэргийг шүүхэд шилжүүлжээ

Эрх мэдэл, албан тушаалын байдлаа урвуулан ашигласан хэргийг шүүхэд шилжүүлжээ

6 цаг 2 мин
Гаагийн шүүхийн давж заалдах шатны танхимын ерөнхийлөгчөөр Д.Эрдэнэбалсүрэн сонгогджээ

Гаагийн шүүхийн давж заалдах шатны танхимын ерөнхийлөгчөөр Д.Эрдэнэбалсүрэн сонгогджээ

6 цаг 34 мин
Дөрөвдүгээр сард болох бөхийн барилдааны хуваарь

Дөрөвдүгээр сард болох бөхийн барилдааны хуваарь

10 цаг 39 мин
Н.Учрал: Ерөнхийлөгч асан Х.Баттулгын "Төгрөг нуур"-ын ордыг бид ярих ёстой

өрийн тэргүүн байсан Х.Баттулга Үндэсний баялгийн сангийн хуулиа хэрэгжүүлж ордуудын 34, 51 хувийн төрд авъя гээд хөдөө орон нутгаар яриад явж байгаа. Үгээрээ биш үйлдлээрээ үзүүлэх хэрэгтэй. Тантай нэр холбогддог "Төгрөг нуур"-ын ордыг бид ярих цаг ирсэн.

10 цаг 44 мин
Ялалтын маршал амьдралынхаа хайрыг Буриадаас олсон түүх

Тэрээр Курскийн тулалдаанд, Берлиний ажиллагаа болон Аугаа эх орны дайн

16 цаг 28 мин
Инженер, технологийн дээд боловсрол” төслийн төгсөгчид эх орондоо ирлээ

Боловсрол, шинжлэх ухааны яамны харьяа “Инженер, технологийн дээд болов

16 цаг 33 мин
Ухаа худгийн төсөл УИХ дээр гацав уу

Ерөнхий сайд Л.Оюун-Эрдэнэ энэ оны хоёрдугаар сарын 17-нд “Тавантолгойн

16 цаг 33 мин
Эрүүл мэндийн салбарын алба хаагчид 259 зөрчлийн хэрэгт холбогджээ

Алтан гарт, цагаан нөмрөгтөн эмч нарын баярын өдөр гуравдугаар сары

Өчигдөр 15 цаг 39 мин
Дээд шүүх ИЗНН-ын дүрмийн өөрчлөлтийг бүртгэхээс татгалзжээ

Дээд шүүх ИЗНН-ын дүрмийн өөрчлөлтийг бүртгэхээс татгалзжээ

Өчигдөр 13 цаг 32 мин