Л.ХУЛАН

“Polit.mn” сайт “Төрсөн өдөр” буландаа долдугаар сарын 25-нд төрсөн өдөр нь тохиодог эрхмүүдээс МҮОНРТ-ийн Ерөнхий  захирал Г.Гэрэлийг онцолж байна.  Үзэгчдэд анх удаа өглөөний сэргэг цагт мэдээ нэвтрүүлэг үзэх нь ямар чухал вэ гэдгийг ойлгуулсан “Өглөөний хүн” тодотголтой сэтгүүлч, МҮОНРТ-ийн захирал  Г.Гэрэлийн төрсөн өдөр тохиож байна. Тэрээр өнгөрсөн гуравдугаар сараас эхлэн МҮОНРТ-ийн Ерөнхий захирлаар сонгогдон ажиллаж байгаа юм.

Телевизийн салбарт ажиллаж эхлээд хэдийн 20 жил болсон  Г.Гэрэл захирал өнөөдрийг хүртэл ямар нэгэн шат, албан тушаал алгасахгүйгээр MNB-ийн идэвхтэй сэтгүүлч, сурвалжлагчаас эхлэн дэд захирал, Ерөнхий захирал болтлоо дэвшин ажиллажээ.

Олон улсын сэтгүүлч мэргэжилтэй, эдийн засгийн ухааны магистр, англи, солонгос хэлтэй.

 Г.Гэрэл манай сайтад өгсөн нэгэн ярилцлагадаа  “Хүмүүс намайг “MNB”-гийн Гэрэлээ, “Өглөө” хөтөлбөрийн Гэрэлээ гэж овоглодог, дууддаг. Би ч энэ нэрэндээ дурлачихсан л даа”  гэж ярьсан юм.

Танд төрсөн өдрийн мэнд хүргэе.

Эх сурвалж:www.polit.mn