Б.ОЧИР

Олон жил нүдэлдсэн АН-ынхан одоо л учраа олж байх шиг байна. ҮБХ нь өнөөдөр 500 гаруй хүнтэйгээр Төрийн ордонд хуралдана. Тэгвэл өнгөрсөн шөнө энэ хурлаар шийдэх гол албан тушаалууд дээр хэн хэнийг сонгох дээрээ тохирч амжжээ. 
Юуны өмнө Тэргүүн дэд даргатайгаа нийлээд есөн дэд даргатай байхаар тохирсон байна. Ингээд Тэргүүн дэд даргаар С.Ганбаатар, мөн Ч.Өнөрбаяр нарын найман дэд даргыг сонгохоор болсон байна. Харин С.Баярцогт АН-ын Ерөнхий нарийн бичгийн дарга болох тохироонд хүрчээ. Түүний доор мөн есөн Нарийн бичгийн дарга сонгогдож ажиллах юм байна. 
АН ийнхүү есөн дэд дарга, есөн Нарийн бичгийн даргатай болж буй нь ийм тооны бүлэг, фракц байгаатай холбоотой бололтой. Тэд энэ шийдэлд хүрэх гэж мөн ч удаан зөвшилцсөн дөө. 
Эндээс хоржоонтой нь Оюу толгой дээр "алалцаж" явсан С.Ганбаатар, С.Баярцогт хоёр АН-ын "ах дүү" дарга нар болж буй нь юм . "...Улс төрд мөнхийн нөхөрлөл, бас мөнхийн дайсагнал байдаггүй. Харин мөнхийн эрх ашиг л бий" гэдэг л дээ.

Эх сухвалж:www.polit.mn